Bakı İdman Sarayında iki dəfə Sovet İttifaqı Qəhrəmanı Həzi Aslanovun xatirəsinə həsr edilmiş cüdo üzrə XXXIII beynəlxalq turnir keçirilmişdir. Bakı şəhəri 9 nömrəli Uşaq-Gənclər İdman Məktəbinin gənc cüdoçusu, beynəlxalq turnirin ötənilki qalibi Günay Əliməmmədli bütün rəqiblərini məğlub edərək birinci yerə sahib çıxmışdır.

Məktəbin digər yetirməsi Türkan Sadıxova 63 kq. çəki dərəcəsində yalnız yarımfinalda uduzaraq III yeri qazanmışdır. Oğlanların yarışında isə məktəbin yetirmələri Fəqan Şəkərəliyev 81 kq., Amil Məmmədli isə 90 kq. çəki dərəcələrində III yerə layiq görülmüşlər.

Uşaq-Gənclər İdman Məktəbi  daha bir qələbə qazanmışdır. Ümummilli lider Heydər Əliyevin anadan olmasının 87-ci ildönümü ilə əlaqədar Təhsil Nazirliyinin keçirdiyi futbol üzrə yarışın zona birinciliyində məktəbin futbol komandası I yerin qalibi olmuşdur.

Sifai SƏFƏROVA