Azərbaycan Memarlıq və İnşaat Universitetində (AMİU) bu ali məktəbin Avstriyanın "Hers" şirkəti ilə birgə hazırladığı istilik sistemləri laboratoriyası istifadəyə verilmişdir.

Açılış mərasimində AMİU-nin rektoru Gülçöhrə Məmmədova çıxış edərək laboratoriyanın yaradılması üçün göstərdiyi dəstəyə görə "Hers" şirkətinə təşəkkürünü bildirmişdir.

Sonra yeni laboratoriya barədə məlumat verilmişdir. Qeyd edilmişdir ki, onun yaradılmasında ən müasir cihazlardan istifadə olunmuşdur.

Digər çıxış edənlər də laboratoriyadan səmərəli istifadə olunacağına əminliklərini söyləmiş, müəllim və tələbələrə təhsildə uğurlar arzulamışlar.  

AzərTAc