Bakıdakı 258 nömrəli orta məktəbdə şagirdlər İKT biliklərinə yiyələnərək kompüterlə işləmək bacarığını artırırlar.

Məktəbin direktoru  Sədaqət Hüseynova bil

dirir ki, təhsil ocağında fəaliyyət göstərən iki kompüter otağında dərs keçən I-XI sinif şagirdləri  üçün hər cür şərait yaradılıb.  Məktəb İnternetə qoşulub və  özünün müstəqil saytı açılıb. İnformatika müəllimləri Səmihə Rüstəmova, Məhluqə Məmmədova və  Arzu Vüsalova dərslərdə yeni təlim metodlarını həyata keçirmək üçün ingilis dilində olan disklərdən istifadə etməklə şagirdlərdə bu fənnə qarşı böyük maraq yaradırlar. Şagirdlər kompüterdə sadə məsələlərin həlli üçün müxtəlif strukturlu alqoritmlər tərtib edir, proqramlar hazırlayır və onlardan səmərəli istifadə edirlər.

Fənn müəllimləri məktəbin İnternet saytından istifadə edir və  təlimdə daha böyük uğur əldə etmək üçün müxtəlif metodlar haqqında düşünürlər.  

Şakir CƏFƏROV