Sumqayıt məktəblilərinin "Qanadlandıq uçmağa" adlı növbəti şeirlər məcmuəsi çapdan çıxmışdır. Bu, məcmuənin 11-ci buraxılışıdır. Hər şeir gənc rəssamlar tərəfindən illüstrasiya edilmişdir. "Təfəkkür" liseyinin məzunu Məhərrəm Səfizadə, 25 nömrəli məktəbin 11-ci sinif şagirdi Elvin Əmirov, 33 nömrəli məktəbin şagirdi Abbas Namiqoğlunun şeirləri ilə oxucular artıq tanışdırlar.

Nəfis şəkildə tərtib olunmuş məcmuə "Zərdabi nəşriyyat-poliqrafiya" nəşriyyatında 500 nüsxə ilə çap edilmişdir. Hər il martın 21-də qeyd olunan Beynəlxalq Poeziya Günündə və Novruz bayramında şəhər təhsil şöbəsi Azərbaycan Yazıçılar Birliyi ilə birlikdə "Qanadlandıq uçmağa" məcmuəsinin təqdimatını keçirir.

Qeyd edək ki, almanaxın yubiley buraxılışı Sumqayıtın 60 illiyinə həsr olunmuşdu.  

AzərTAc