Naxçıvan Dövlət Universitetində Beynəlxalq münasibətlər kafedrasının müdiri, fəlsəfə elmləri namizədi, dosent Yusif Hüseynovun 60 illiyinə həsr olunmuş yubiley mərasimi keçirilib.

Yubileydə rektor, akademik İsa Həbibbəyli çıxış edərək universitetin ilk məzunlarından olan Yusif Hüseynovun müəllimlik və təşkilatçılıq səriştəsindən, universitetin ictimai həyatında fəal iştirakından, milli və bəşəri fəlsəfi düşüncələri əks etdirən elmi tədqiqatlarından danışıb. Rektor yubilyarı universitetin Fəxri fərmanı ilə təltif edərək kollektiv adından səmimi təbrik edib.

Magistratura üzrə dekan, tarix elmləri namizədi Elbrus İsayev 60 yaşlı alimin həyat və fəaliyyəti haqqında məruzə edib.

Çıxış edənlər Yusif Hüseynovun səmimi insan, zəhmətkeş alim, qayğıkeş müəllim kimi məziyyətlərindən söz açaraq yubilyarı təbrik ediblər. 

Mehriban SULTAN