Bakı şəhərindəki 189 nömrəli məktəbdə "Narkomanlığa yox deyək" mövzusunda tədbir keçirilib. Səbail Rayon İcra Hakimiyyəti nəzdindəki Yetkinlik Yaşına Çatmayanların İşləri və Hüquqlarının Müdafiəsi üzrə Komissiyanın təşkil etdiyi tədbirdə, eyni zamanda rayonun 7 və 190 nömrəli orta məktəblərinin şagirdləri də iştirak ediblər.

Tədbirdə çıxış edən Səbail Rayon İcra Hakimiyyəti başçısının  müavini, komissiyanın rəhbəri Xalidə Bayramova rayonda yeniyetmə və gənclərin narkomanlıq və digər zərərli vərdişlərdən qorunması, sağlam həyat tərzi keçirməsinin təmin edilməsi ilə bağlı görülən işlərdən və qarşıda duran vəzifələrdən bəhs edib.

Çıxışlarda bu məsələ ilə bağlı  müxtəlif mövzulara toxunulub və şagirdləri maraqlandıran çoxsaylı suallar cavablandırılıb. Sonda məktəblilərə narkomanlığa və QİÇS-ə qarşı mübarizəyə dair bukletlər paylanıb. 

Hicran ƏKBƏROVA