Martın 15-də Azərbaycan Dövlət Mədəniyyət və İncəsənət Universitetində 1941-1945-ci illər Böyük Vətən müharibəsində qələbənin 65 illik yubileyinə həsr edilmiş elmi-praktik konfrans keçirilib.

Universitetin Kulturologiya fakültəsinin təşkil etdiyi tədbiri giriş sözü ilə açan ADMİU-nun prorektoru, professor Maral Manafova müharibə veteranlarını, qonaqları və tədbirin digər iştirakçılarını salamlayıb, ölkə Prezidenti İlham Əliyevin Sərəncamına əsasən Qələbənin 65 illiyi ilə əlaqədar respublikanın hər yerində qeyd olunacaq belə tədbirlərin əhəmiyyətindən danışıb və veteranları qələbə münasibətilə təbrik edib. Ehtiyatda olan general-mayor Bahadur Hüseynovun müharibə xatirələri, Respublika Veteranlar Şurasının sədri Çingiz Hüseynovun yaddaqalan çıxışı toplantı iştirakçıları tərəfindən maraqla dinlənilib.

Konfrans ADMİU-nun müəllim və tələbələrinin ifasında konsert proqramı ilə başa çatıb.Kamallı kəndində 220 yerlik yeni məktəb binası tikilir 

Nizami MİRZƏ