|
Naxçıvan Dövlət Universitetinin
Konservatoriyasında incəsənət fakültəsinin II
kurs tələbəsi Cəlal Rzayevin fərdi yaradıcılıq
sərgisinə ümumi baxış keçirilmişdir. Sərgidə
gənc rəssamın müxtəlif janrlarda çəkdiyi əsərlər
nümayiş olunmuşdur. Sərgiyə tamaşa edən
universitetin rektoru, akademik İsa Həbibbəyli
belə mədəni tədbirlərin istedadlı
tələbələrin yaradıcılıq potensialının üzə
çıxarılmasına xidmət etdiyini vurğulamışdır.
Təsviri incəsənət kafedrasının müəllimi,
əməkdar incəsənət xadimi, Naxçıvan MR-in
əməkdar rəssamı Ülviyyə Həmzəyeva
rəssam-tələbəyə yaradıcılıq uğurları diləmişdir.
Müəllif öz çıxışında ürək sözlərini çatdırmış,
diqqət və qayğıya görə minnətdarlığını ifadə
etmişdir.
Gənc rəssamın fəaliyyətini və sənət əsərlərini
əks etdirən slayd da tədbirə gələnlərin
marağına səbəb olmuşdur.
Nərmin CƏFƏROVA |
