|
Naxçıvan Dövlət Universitetində
inzibati-təsərrüfat işləri üzrə prorektor Araz
Zalovun 60 illik yubileyi universitet
əməkdaşları və yubilyarın yaxınlarının
iştirakı ilə geniş qeyd olundu.
Tədbirdə çıxış edən rektor, akademik İsa
Həbibbəyli yubilyarla bağlı xatirələrini
bölüşdü, Araz müəllimin gözəl, yenilikçi insan
və əməkdaş kimi universitet həyatının
təsərrüfat sahəsindəki yorulmaz, fədakar və
əzmkar fəaliyyətindən söz açdı. Yubilyara ali
məktəb həyatındakı misilsiz xidmətlərinə görə
universitet rəhbərliyi tərəfindən Fəxri fərman
və xatirə hədiyyələri təqdim olundu.
Universitetin tərbiyə işləri üzrə prorektoru,
fəlsəfə elmləri doktoru Məmməd Rzayev yubilyarın
həyat və yaradıcılıq yolu haqqında ətraflı
məlumat verdi. Yubilyarın əməyi dövlət
tərəfindən yüksək qiymətləndirilib. O,
Azərbaycanda təhsilin inkişafındakı xidmətlərinə
görə Azərbaycan Respublikası Prezidentinin 16
oktyabr 2007-ci il tarixli sərəncamına əsasən "Tərəqqi"
medalı ilə təltif olunub.
Yubiley mərasimində AMEA-nın Naxçıvan
bölməsinin sədri, akademik İsmayıl Hacıyev,
memarlıq və mühəndislik fakültəsinin dekanı,
fizika-riyaziyyat elmləri namizədi, dosent
Mübariz Nuriyev, pedaqoji fakültənin dekanı,
pedaqoji elmlər namizədi, dosent İbrahim
Rüstəmov və başqaları çıxış edərək yubilyara
səmimi təbriklərini çatdırdılar.
Sonda ürək sözlərini bölüşən yubilyar
universitet rəhbərliyinə diqqət və qayğıya görə
minnətdarlığını ifadə etdi.
Nərmin CƏFƏROVA |
