Azərbaycan Dövlət Pedaqoji Kollecində "Milli mənəvi dəyərlərimizi dünyaya tanıdanlar" silsiləsindən növbəti görüş keçirilmişdir. Görüşün budəfəki qonağı Miniatür kitab muzeyinin direktoru Zərifə Salahova olmuşdur.

Kollecin direktoru Nurlana Əliyeva bidirmişdir ki, ölkəmizin ictimai-siyasi həyatında fəal iştirak edən ziyalı qadınlarımızdan biri olan Zərifə Salahova xalqımızın milli mənəvi dəyərlərinin dünyaya tanıdılmasında, kitab mədəniyyətimizin inkişafında xeyli iş görmüşdür. Ona görə də bugünkü tələbə-gənclərin zəngin ictimai fəaliyyətə və təcrübəyə malik Zərifə Salahovadan öyrənəcəyi çox şey vardır.

Digər çıxış edən natiqlər də Zərifə Salahovanın səmərəli əmək fəaliyyətindən danışmışlar. Qeyd olunmuşdur ki, onun rəhbərlik etdiyi Miniatür kitab muzeyi milli mənəvi dəyərlərimizin təbliğində xüsusi yer tutur.

Tədbirdə tələbələrin iştirakı ilə ədəbi-bədii kompozisiya nümayiş etdirilmişdir.

Sonda Zərifə Salahova 50 il qabaq tələbəsi olduğu kollecdə ona göstərilən hörmət və ehtirama görə tədbirin təşkilatçılarına və iştirakçılarına minnətdarlığını bildirmiş, tələbələri maraqlandıran sualları cavablandırmışdır.

AzərTAc