RF-in Komi Respublikasında ən yaxşı şagirdləri və müəllimləri həvəsləndirmək üçün respublika kiçik Nobel mükafatı təsis olunub. Yüksək mükafata dəqiq elmlər, təbiət elmləri və dilçiliyin öyrənilməsində, habelə yaradıcılıqda və idmanda uğurlar qazanan yuxarı sinif şagirdləri iddia edə bilərlər. Layihəni təkcə yerli hakimiyyət orqanları deyil, Nobel mükafatının təsisçisi Alfred Nobelin birbaşa varisi Qustav da dəstəkləyib. Cənab Nobel hətta mükafatın təşkilat komitəsinə məktub da göndərib və ümidvar olduğunu bildirib ki, mükafat faydalı olacaq,onunla ancaq istedadlı şagird və müəllimlər öz çalışmalarına görə təltif olunacaqlar.

Mükafatı almaq üçün müsabiqə artıq sentyabr ayında başlanıb, ona 2010-cu ilin dekabrında yekun vurulacaq. Kiçik Nobel mükafatının laureatlarını müəyyənləşdirmək tərkibinə yerli təhsil orqanlarının rəhbərləri, tanınmış siyasətçi və ictimai xadimlərin, habelə qubernatorun daxil olduğu təşkilat komitəsinə etibar olunub.

Hazırladı: Y.ƏLİYEV