Rusiya Federasiyasının Təhsil və Elm Nazirliyində "Yetim və valideyn himayəsindən məhrum uşaqlar üçün müəssisələrdə tərbiyə olunanların hüquqlarının müdafiəsi" mövzusunda Ümumrusiya seminar-müşavirəsi keçirilib. Üç gün davam edən forumda ölkənin 47 regionundan 110 nümayəndə iştirak edib.

Nazirliyin uşaqların tərbiyəsi və sosiallaşması departamentinin direktoru Alina Levitskaya seminar-müşavirədə bu il Təhsil və Elm Nazirliyi tərəfindən hazırlanmış yeni qanun layihələri haqqında danışıb. Bildirib ki, xüsusi yaşayış fondunun yaradılması planlaşdırılır. Həmin fonddan yetimlərə müqavilə əsasında pulsuz istifadə üçün mənzillər ayrılacaq. Bu məqsədlə 2011-ci ildən başlayaraq hər il federal büdcədən 6 milyard 200 milyon rubl ayrılacaq. Alina Levitskayanın fikrincə, bu tədbir mənzil növbələri ilə bağlı mürəkkəb vəziyyəti 5-6 il ərzində həll etməyə kömək edəcək.

Seminar-müşavirədə qeyd olunub ki, Rusiyanın Təhsil və Elm Nazirliyi de-institutlaşdırma siyasəti yeridir: uşaq evlərinin miqdarı ixtisar olunur, ailələrə verilən yetim uşaqların sayı artır. Son 3 ildə Rusiyada 203 yetim uşaqlar üçün müəssisə bağlanıb, uşaq evlərindəki uşaqların sayı isə 17 min azalıb. 

"Uçitelskaya qazeta"dan tərcümə etdi:
Y.ƏLİYEV