Bakı Dövlət Universitetinin Şərqşünaslıq fakültəsinin İran filologiyası kafedrasının professoru Şulan Şirəliyevin 75 illik yubileyi keçirilib. Tədbiri rektor, akademik Abel Məhərrəmov açaraq Şulan müəllimin şərəfli həyat yolundan, elmi və ictimai fəaliyyətindən danışıb. Natiq qeyd edib ki, Şulan Şirəliyev 10-dək kitabın, yüzdən artıq elmi məqalənin müəllifi kimi elmin və təhsilin inkişafında, gənc nəslin yetişməsində böyük xidmətlər göstərib, bir çox mükafatlara, fəxri fərmanlara, o cümlədən Təhsil Nazirliyinin lAzərbaycan Respublikasının qabaqcıl təhsil işçisi» döş nişanına layiq görülüb.  75 illik yubileyi münasibətilə Şulan Şirəliyevə BDU-nun Fəxri fərmanı təqdim edilib.

İran filologiyası kafedrasının müdiri, professor Mehdi Kazımov lŞulan Şirəliyevin həyat və yaradıcılığı» mövzusunda məruzə edib.

Sonda Şulan müəllim yubileyinin keçirilməsi ilə bağlı akademik Abel Məhərrəmova və qonaqlara minnətdarlığını bildirib.  

Nizami MİRZƏ