Latviya Respublikasının Təhsil və Elm Nazirliyi (TEN) 2010-2011-ci illərdə ölkənin ali təhsil müəssisələrində təhsil almaq və ya tədqiqat işi aparmaq arzusunda olanlar üçün təqaüd ayıracaqdır.

Təqaüdün maksimum on ay müddətində veriləcəyi bildirilir. Müstəsna hallarda Latviya TEN-in xüsusi qərarına əsasən, təqaüdün verilmə müddəti uzadılacaqdır.

Təqaüd proqramında iştirak etmək istəyənlər lazım olan sənədləri aprelin 28-dək Azərbaycan Təhsil Nazirliyinin Beynəlxalq əlaqələr şöbəsinə təqdim etməlidirlər. Sənədlər latış, rus və ya ingilis dillərindən birinə tərcümə edilməli, notariat qaydada təsdiq olunmalıdır.

Proqram barəsində ətraflı məlumatı http//izm.izm.gov.lv/ministry/4885.html İnternet səhifəsindən əldə etmək mümkündür.  

AzərTAc