Aprelin 8-də Bakı Pedaqoji Kadrların İxtisasartırma və Yenidənhazırlanma İnstitutunda ədəbiyyatşünas, pedaqoq, publisist Allahverdi  Eminovun kitablarının təqdimatı keçirildi. Tədbiri giriş sözü ilə açan BPKİYİ-nin rektoru, professor Asəf Zamanov  bildirdi ki, öz üslubu və tematikası ilə seçilən pedaqoq-alim bu təhsil müəssisəsinin nüfuzlu müəllimlərindən biridir.

Sonra institut kitabxanasının müdiri Güldanə Mehdiyeva tədbir iştirakçılarına Allahverdi Eminovun həyat və yaradıcılığı haqqında geniş məlumat verdi.

BPKİYİ-nin Azərbaycan dili və ədəbiyyat kafedrasının müdiri, filologiya elmləri namizədi Aydın Paşayev, Pedaqogika kafedrasının müdiri, pedaqoji elmlər namizədi Fikrət Əliyev, şairlərdən Musa Yaqub və Oktay Rza, professor Fikrət Seyidov və başqaları çıxış edərək təqdimatı keçirilən kitabların məziyyətlərindən söz açdılar.

Sonda yazıçı-publisist, pedaqoji elmlər namizədi, dosent  Allahverdi Eminov tədbirdə iştirak edənlərə öz təşəkkürünü bildirdi.

Şakir CƏFƏROV