Aprelin 20-də BDU-nun rektoru, akademik Abel Məhərrəmov Türkiyənin Okan Universitetinin rektoru, professor Sadık Kırbaş, həmin universitetin iqtisadi idarə bilimlər fakültəsinin dekanı, professor Suat Teker, fənn ədəbiyyat fakültəsinin dekan yardımçısı Hulya Arslan və mühəndislik fakültəsinin öyrətim üyesi Veli Şahmurovu qəbul edib. Rektor Sadık Kırbaş bildirib ki, 2003-cü ildə yaradılmış, 5 fakültəsi və 4 mindən artıq tələbəsi olan Okan Universitetini tanıtmaq, ikitərəfli əməkdaşlığa nail olmaq, tələbə-müəllim mübadiləsi etmək niyyətindədirlər.

Azərbaycan-Türkiyə dostluğunun, qardaşlığının daimi, əbədi olduğunu bildirən rektor, akademik Abel Məhərrəmov nümayəndə heyətinin gəlişinə böyük əhəmiyyət verdiyini deyib. Bildirib ki, bu səfər əməkdaşlığın gələcək perspektivləri baxımından çox uğurlu olacaq.

Sonda rektorlar - Abel Məhərrəmov və Sadık Kırbaş tələbə və müəllim mübadiləsini nəzərdə tutan çərçivə müqaviləsi imzalayıblar.  

Nizami MİRZƏ