Mayın 12-də Azərbaycan Dövlət Pedaqoji Universitetində  görkəmli ədəbiyyatşünas alim, tənqidçi və şair Cəfər Xəndanın (Cəfər Zeynal oğlu Hacıyev) 100 illik yubileyinə həsr olunmuş tədbir keçirildi.

Tədbiri giriş sözü ilə ADPU-nun rektoru, professor Yusif Məmmədov açaraq alimin həyat və yaradıcılığından qısa   məlumat verdi. Qeyd etdi ki,  Cəfər Xəndan bir müddət APİ- də  (indiki ADPU) kafedra müdiri işləmiş və 1947-1949-cu illərdə  Azərbaycan  Dövlət Universitetinin ( indiki BDU) filologiya fakültəsinin dekanı, 1950-1954-cü  illərdə isə   universitetin  rektoru  vəzifəsində  çalışmışdır.

Sonra  filologiya  fakültəsinin dekanı, professor Buludxan Xəlilovun "Cəfər Xəndanın həyat və yaradıcılığı", universitetin professorlarından  Tərlan Novruzovun  "Cəfər Xəndanın poeziyası" və  Təyyar Cavadovun "Cəfər Xəndan tənqidi ədəbi proses və zaman kontekstində" mövzularında çıxışları dinlənildi.

Alimin həyat və fəaliyətinə həsr olunmuş tədbir ayrı-ayrı bölmələrdə  öz işini davam etdirdi.    

Şakir CƏFƏROV