Bakıdakı Rusiya İnformasiya-Mədəniyyət Mərkəzindən (RİMM) AzərTAc-a verilən məlumata görə, 160 nömrəli klassik gimnaziyada məktəblərin rus dili müəllimləri üçün daimi fəaliyyətdə olan metodik seminarın yeni dərs ilində ilk məşğələsi olmuşdur.

RİMM-nin Rus Dili Metodik Mərkəzi tərəfindən keçirilən seminarda əllidən çox müəllim, o cümlədən Azərbaycanda rus dilinin dərindən öyrənilməsi üzrə pilot layihəsinin əhatə etdiyi məktəblərin rus dili müəllimləri iştirak etmişlər.

RİMM-nin rəhbəri Ənvər Şeyxov müəllimləri yeni dərs ili münasibətilə təbrik etmiş, planlaşdırılan tədbirlər barədə məlumat vermişdir.