Müasir tələblərə cavab verən bu yaraşıqlı bina Qusar rayonunda son altı ildə istifadəyə verilən sayca 17-ci məktəb binasıdır. Yeni dərs ilinin ilk günündə açılış mərasimi olmuş Qusar şəhər 4 nömrəli məktəbin 420 şagird yerlik yeni binası müəllim və şagirdlərə ən gözəl hədiyyə olub.

Təhsil ocağının tikintisini Azərbaycan Respublikası Dövlət Neft Şirkəti həyata keçirib. İkimərtəbəli müasir tipli bu bina 67 otaqdan ibarətdir. 23 sinif otağı, 3 laboratoriya, müxtəlif fənn kabinetləri, kompüter otağı, açıq və qapalı idman zalı və s. burada təhsil alacaq 130 məktəblinin istifadəsinə verilib.

Bütün bunlar yeni nəslin təlim-tərbiyəsi üçün ölkə rəhbərliyinin təhsilə göstərdiyi yüksək qayğının bariz nümunəsidir. Əlbəttə, müəllim və şagird kollektivinə göstərilən bu qayğı və diqqət onları təhsildə yeni-yeni uğurlu nəticələr qazanmağa ruhlandırır.

ƏDALƏT