"2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı" çərçivəsində indiyədək təhsil almağa göndərilənlərin sayı 512-yə çatmışdır. Böyük Britaniyaya göndərilənlər sayca üstünlük təşkil edir - 100 nəfər. Proqram çərçivəsində Türkiyəyə 73, Almaniyaya 67, Fransaya 52, Rusiyaya 38, Cənubi Koreyaya 22, Niderland Krallığına 20, ABŞ-a 17 gənc göndərilib. Gənclərimizin dövlət hesabına təhsil almağa göndərildikləri ölkələr arasında habelə İsveç (12 nəfər), Kanada (11), İsveçrə (7), Sinqapur (6), Avstraliya (5), İtaliya (4), Avstriya (3), Yeni Zelandiya (2), Malayziya (2), Çexiya (2), Yaponiya (1), İrlandiya (1), Finlandiya (1) və Belçika (1) da vardır.

2010-cu ildə 200 nəfər gəncin xaricdə təhsilə göndərilməsi ilə əlaqədar tədbirlər görülür. Bu il Dövlət Proqramının icrasına 10 milyon manat vəsait ayrılıb.

Türkiyə, Rusiya, Çin, Çexiya və b. ölkələrin Azərbaycana ayırdığı təqaüdlər çərçivəsində isə bu ölkələrin ali məktəblərinin bakalavr, mütəxəssis, magistr, doktorantura, tibdə uzmanlıq və aspiranturasında təhsil almaq məqsədi ilə bu günədək 816 nəfər Azərbaycan Respublikası vətəndaşı göndərilib. Onlardan 517-si Türkiyənin, 237-si Rusiyanın, 21-i Misirin, 25-i Çinin, 8-i Koreyanın, 3-ü Çexiyanın, 3-ü Slovakiyanın, 2-si Rumıniyanın, 1-i Avstriyanın və 1-i də ABŞ-ın payına düşür. Öz hesabına və müxtəlif mübadilə proqramları çərçivəsində isə 10 mindən artıq tələbə respublikamızdan kənarda təhsillərini davam etdirir.

Y.ƏLİYEV