Ağsu rayonundakı Qəşəd kənd orta  məktəbinin hərbi-vətənpərvərlik komandası "Cəsurlar" hərbi idman oyunlarının İsmayıllı rayonunda keçirilən zona  birinciliyində  birinci yeri  tutaraq respublika  yarışlarında iştirak etmək  hüququ   qazanıb.

Bu  münasibətlə məktəbdə "Vətən mənə oğul desə..." adlı hərbi-vətənpərvərlik günü keçirilib. Tədbirdə Ağsu Rayon Təhsil Şöbəsinin  əməkdaşları, həmin kənddən olan  müharibə və əmək veteranları, Qarabağ müharibəsinin döyüşçüləri  çıxış edərək qalib komandanı təbrik ediblər.

Sonda daha çox fərqlənən komanda  üzvləri  Ağsu Rayon Təhsil Şöbəsinin müdiri Tahir Xasıyev tərəfindən Fəxri fərman və qiymətli hədiyyələrlə təltif olunublar.

Şakir CƏFƏROV