Beyləqan Rayon İcra Hakimiyyətindən bildirmişlər ki, son 6 ildə rayonda 1680 yerlik 8 məktəb və tədrisə yardımçı bina tikilib istifadəyə verilmiş, 25 məktəbdə əsaslı, 28 məktəbdə cari təmir işləri aparılmış, məktəblərə xeyli dərs ləvazimatı, inventar və avadanlıq verilmişdir.

Dövlət Proqramı əsasında hazırlanmış tədbirlər planında 2013-cü ilədək rayonda 460 şagird yerlik şəhər 3 nömrəli, hər biri 400 şagird yerlik Araz, Birinci Aşıqlı, Şərq, hər biri 200 şagird yerlik Şəfəq, Əmirzeyidli, Mayak, 240 şagird yerlik İmamverdili, 132 şagird yerlik Gödəklər orta, 140 şagird yerlik Sarısu əsas kənd məktəbləri üçün yeni binaların, 14 məktəbdə 2360 şagird yerlik 118 əlavə sinif otağının tikintisi, 18 ümumtəhsil məktəbinin isə əsaslı təmiri və avadanlıqla təchizatı nəzərdə tutulmuşdur.

AzərTAc