Aprelin 5-də Azərbaycan Respublikasının təhsil naziri Misir Mərdanov nazirliyin bir qrup rəhbər işçisi və Cənubi Koreyanın Samqyunq Universitetinin professoru Hanq Kuk Pak ilə görüşüb. Görüşdə qeyd edilmişdir ki, artıq bir neçə ildir ki, Cənubi Koreyanın Samqyunq Universiteti ilə Bakı Kompüter Kolleci arasında əməkdaşlıq davam edir. Bu müddət ərzində Koreyada mövcud olan elektron təhsil sisteminin Azərbaycanda tətbiq edilməsi məsələsi dəfələrlə müzakirə edilmişdir. Bu məsələnin dövlət səviyyəli bir məsələ olması ilə əlaqədar Samqyunq Universitetinin rəhbərliyi Koreya dövlətinə bir layihə təqdim etmiş və müsbət rəy almışdır: Koreya dövləti layihənin Azərbaycanda tətbiq edilməsi üçün qrant ayırmağa hazır olduğunu bildirmişdir. Qrant çərçivəsində mərkəz yaratmaq lazımdır. Xüsusi avadanlıq, proqram təminatı, bir neçə otaqdan ibarət studiyası və təlim keçmiş mütəxəssisləri olan mərkəz ölkənin bütün müəllimlərinə xidmət göstərə bilər.

Təhsil naziri Misir Mərdanov bu məsələyə müsbət münasibətini bildirmişdir.