Futbol

Noyabrın 9-da futbol üzrə 1996-1997-ci il təvəllüdlü yeniyetmələr arasında "Təhsil" Respublika İdman Mərkəzinin açıq respublika birinciliyinin final yarışlarının keçirilməsinə start verilib. Noyabrın 14-dək davam edəcək yarışlar 16 komandanın iştirakı ilə Bakı şəhərindəki 54 nömrəli orta məktəbin idman meydançasında keçirilir. Turnirdə I, II, III yerləri tutan komandalar müvafiq diplom və kuboklarla təltif ediləcəklər. 

Şahmat 

Şahmat üzrə uşaq-gənclər şahmat məktəblərinin yetirmələri arasında görkəmli nasir, dramaturq Həsən bəy Zərdabinin xatirəsinə həsr edilmiş VI respublika şahmat turniri keçirilir. Noyabrın 19-dək davam edəcək yarış "İsveçrə" sistemi üzrə 8, 10, 12, 14, 16 yaş qruplarında keçirilir. Qızlar yaş qrupları üzrə ayrı təsnif olunurlar.  Turnirdə I-IV idman dərəcə norması müəyyənləşdiriləcəkdir. Yaş qrupları üzrə oğlan və qızlar arasında I-III yerləri tutan şahmatçılara və fərqlənənlərə "Təhsil" Respublika İdman Mərkəzinin diplomları, Zərdab Rayon Təhsil Şöbəsi və Gənclər İdman İdarəsinin fəxri diplomları və hədiyyələri təqdim ediləcəkdir. Qeyd edək ki, turnirdə 20-yə yaxın komanda iştirak edir.  

Boks 

Əməkdar məşqçi, idman ustası, beynəlxalq dərəcəli hakim Süleyman Süleymanovun şərəfinə  "Təhsil" Respublika İdman Mərkəzinin boks üzrə açıq respublika birinciliyinin keçirilməsinə start verilib.  Yarışlarda 1993-1994-cü il təvəllüdlü 11 çəki dərəcəsi üzrə gənclər iştirak edir. Turnir Beynəlxalq Boks Federasiyasının qaydalarına uyğun olaraq 15 noyabra qədər "Təhsil" RİM-in boks zalında davam etdirilir. Qaliblər diplomlar və qiymətli hədiyyələrlə təltif olunacaqlar.  

Rəşad ZİYADOV