Bakıdakı 219 nömrəli evdə  məktəbin pedaqoji kollektivi  2010-2011-ci dərs  ilində böyüyən nəslin təlim-tərbiyəsini yüksək səviyyədə qurmaq, qarşıya qoyulan vəzifələri uğurla həyata keçirmək üçün ilk gündən əməli işində ciddi səy göstərir.

Məktəbin direktoru Sədaqət Məmmədova  bildirir ki, tədris ocağında dərsin  təkmilləşdirilməsi ilə  əlaqədar metodik işlərə geniş yer verilir. Metodik iş  "Təlim və tərbiyə metodlarını həyatın tələblərinə müvafiq quraq" və  "Yaradıcılıqla işləyən  müəllimdən yaradıcılıqla işləyən kollektivə" devizləri altında aparılır. Metodik iş dərsin təkmilləşdirilməsinə, proqram materiallarının şagirdlər tərəfindən dərindən mənimsənilməsinə kömək etməklə bərabər, eyni zamanda  müəllimlərin vaxtaşırı fikir mübadiləsi aparmasına, müzakirələr,  mübahisələr zamanı şəxsi fikirlərini həmkarlarına çatdırmaq üçün geniş  meydan  yaradır. Bu gün  məktəbdə ayrı-ayrı fənlər üzrə  metodbirləşmə sədrləri   tərəfindən dərslərin təşkili, bu  və ya digər məsələ ilə bağlı qabaqcıl müəllimlərin çıxışı, seminar və konfransların keçirilməsi  mühüm rol oynayır. "Açıq dərs"lər dinlənilir və müzakirələr zamanı verilən tövsiyələr, göstərilən metodik kömək işin xeyrinə  istiqamətləndirilir.

Burada pedaqoji işin yaxşı  təşkili   yeni işə başlayan  gənc müəllimlər üçün də daha faydalı olur.  

Şakir CƏFƏROV