Naxçıvan Dövlət Universitetinin tələbələri üçün yeni yataqxana binası tikilir.  Müasir üslubda tikilən yataqxanada tələbələrin məişət problemlərinin həlli üçün bütün şərait yaradılacaqdır. Beşmərtəbəli, 456 yerlik binada yeməkxana ilə bərabər mətbəx, kitabxana, bərbərxana, dərzi sexi fəaliyyət göstərəcəkdir. Bütün otaqlar televizor, soyuducu və telefonla təmin olunacaqdır. Bina üçün ayrıca qazanxana sistemi qurulacaqdır.

İnşaat işlərini "Gəmiqaya" MMC-nin tikinti şirkəti aparır. Gələn tədris ilində yataqxana tələbələrin istifadəsinə veriləcəkdir.

AzərTAc