|
Gimnaziyada şagirdlərə ümumi orta təhsil
verilməklə yanaşı, I sinifdən başlayaraq ərəb,
ingilis, rus dilləri (V sinifdən əlavə fransız
dili) dərinləşdirilmiş proqram üzrə tədris
olunur. Məktəbə, əsasən respublikanın kənd
rayonlarından gələn, həmçinin Bakı şəhərində
yaşayan, bu dilləri öyrənməyə marağı və
qabiliyyəti olan və 6 yaşı cari ilin oktyabrın
sonunadək tamam olan istedadlı uşaqlar müsahibə
yolu ilə qəbul olunurlar. Sənədlərin qəbulu
iyulun 26-dan 30-na qədərdir. Müsahibələr
valideynlərə bildirilmiş cədvəl üzrə avqustun
2-dən 10-na qədər aparılacaqdır.
Gimnaziyaya daxil olmaq üçün qəbul komissiyasına
aşağıdakı sənədləri təqdim etmək lazımdır:
1. Valideynin, yaxud onu əvəz edən şəxsin
direktorun adına yazdığı vahid formada ərizə;
2. Doğum haqqında şəhadətnamə (əsli və surəti);
3. Tibbi dəyişmə vərəqəsi (sağlamlıq haqqında
arayış);
4. Uşağın yaşadığı yerdən arayış (ailə tərkibi
göstərilməklə);
5. Valideynlərin iş yerindən arayış (işləmirsə,
ailə tərkibi haqqında arayışda qeyd olunur);
6. 3x4 sm ölçüdə 4 ədəd fotoşəkil.
Müsahibələrdə qəbul komissiyasının üzvləri
uşağın tələffüz qaydalarına riayət etməsini,
nitqinin aydınlığını, söz ehtiyatına malik
olub-olmamasını, cümlə qurmaq, şeir demək
bacarığını, müəyyən əşya və hadisə haqqında
təsəvvürlərini, hesablama vərdişlərini, riyazi
təfəkkürlərini (əşyaları ölçülərinə, rənglərinə,
formasına görə müqayisə etmək, ətraf aləmi
müşahidə etmək bacarığını), yaddaşlarını
yoxlayırlar. Uşaqların testlərlə də yoxlanılması
nəzərdə tutulur. Dərs məşğələlərindən sonra
şagirdlərin evə buraxılmasına (valideynin
ərizəsinə əsasən) icazə verilir.
Gimnaziyada I-V sinif şagirdləri evə yalnız
valideynlərin və ya onları əvəz edən şəxslərin
müşayiəti ilə buraxılırlar. Ehtiyacı olanlar
dövlət hesabına yataqxana və isti yeməklə təmin
olunurlar.
Əlavə məlumat almaq üçün 427-55-09, 427-57-83
nömrəli telefonlara zəng etmək olar.
Ünvan: Bakı-48, Qaraçuxur qəsəbəsi, C.Qurbanov
küçəsi, 1.
Məktəbə metronun "Neftçilər" stansiyasından 161
nömrəli avtobusla,
81, 161 nömrəli marşrut avtobuslarla gəlmək
olar.
DİREKTORLUQ |
