"Elektron məktəb" layihəsi çərçivəsində müxtəlif tədris müəssisələrində daha səmərəli kommunikasiyaların tətbiq olunması məqsədi ilə videozəng imkanı yaradan texnologiyalar tətbiq olunacaqdır.

İKT Mərkəzindən AzərTAc-a bildirmişlər ki, hazırda "Elektron məktəb" Bakı, Sumqayıt və digər şəhərlərin 30 məktəbində reallaşdırılır. Məktəblər Azərbaycanın təhsil şəbəkəsinə (AzEduNet) fiber-optik kabellə qoşulacaq, videozənglər isə İP-telefoniya vasitəsilə həyata keçiriləcəkdir.

AzEduNet şəbəkəsi vasitəsilə çoxnöqtəli videokonfransların, interaktiv videokommunikasiyaların və digər tədbirlərin keçirilməsi mümkün olacaqdır. Bu, biliklərin ötürülməsi prosesini daha da təkmilləşdirəcəkdir.