Naxçıvan Dövlət Universitetində ümummilli  lider  Heydər Əliyevin xatirəsinə həsr olunmuş  ali məktəblər arasında III futbol çempionatının qalibi - universitetin futbol komandasının üzvləri ilə görüş keçirilmişdir. 

Rektor, akademik İsa Həbibbəyli çempionları şərəfli qələbə münasibətilə təbrik etmiş, onlara gələcək idman fəaliyyətlərində daha böyük qələbələrə imza atmağı, ali məktəbin adını daim uca  tutmağı diləmişdir. Tələbə futbolçularımızın idman hazırlığında əvəzsiz xidmətləri olan baş məşqçi, universitet müəllimləri Yusif Vəliyevin, eləcə də  Seymur Əliyevin xidmətlərini yüksək qiymətləndirən rektor bu yaxınlarda Polşada keçiriləcək Avropa ali təhsil müəssisələri arasında futbol üzrə VIII  çempionatına da var-qüvvələri ilə hazırlaşmağı, vətənə qələbə sevinci ilə qayıtmağı arzulamışdır. Həmçinin komandanın baş məşqçisi Yusif Vəliyevə, məşqçi Seymur Əliyevə, komandanın kapitanı Elməddin Babışevə və nigeriyalı tələbəyə Fəxri fərmanlar təqdim olunmuşdur.   

Bakı şəhərindəki "Şəfa" stadionunda keçirilən final oyununda Azərbaycan Beynəlxalq Universitetinin komandası  ilə  qarşılaşan Naxçıvan Dövlət Universitetinin komandası 3:2 hesabı ilə qalib gələrək çempion adını qazanıb.

Nərmin CƏFƏROVA,
NDU-nun Mətbuat şöbəsinin əməkdaşı