Naxçıvan Dövlət Universitetində məzun günü keçirildi. Əvvəlcə məzunların bu təhsil ocağı ilə bağlı xatirələrini əks etdirən "Universitet  dünyası"  adlı  slayd nümayiş olundu.

NDU-nun rektoru, akademik  İsa  Həbibbəyli çıxış edərək şərəfli  tələbə  adını daim uca tutmağı və məzunlarla bağlı ürək sözlərini tədbir iştirakçılarının diqqətinə çatdırdı. Natiq, məzunlara bu bilik xəzinəsində yiyələndikləri sərvəti daim qoruyub saxlamağı və gələcəkdə milli elmin, təhsilin, dövlətçilik və azərbaycançılıq ideyalarının inkişafına layiqli  töhfələr verməyi dilədi, bir qrup məzuna  diplomlar  təqdim etdi.

Məzunlardan tarix ixtisası üzrə IV kurs tələbəsi, universitetin gənclər təşkilatının sədri Arzu  Abdullayev çıxış edərək sevincini paylaşdı, dördillik təhsil müddətində qazandığı biliklərdən, əldə etdiyi nailiyyətlərdən söz açdı.

Tədbirdə universitetin istedadlı tələbələrinin və Tələbə Teatr  Studiyasının rəqs qrupunun ifalarında musiqi və rəqs nömrələri nümayiş olundu, xarici  tələbələrdən ibarət "Karvan" şən və hazırcavablar klubunun  zarafatları isə iştirakçılarda xoş əhvali-ruhiyyə yaratdı.

Nərmin CƏFƏROVA