|
Aprelin 10-da Qafqaz Universitetində Dünya
Telekommunikasiya və İnformasiya Cəmiyyəti
Gününə həsr olunmuş "Ali məktəb tələbələri
arasında informatika üzrə ümumrespublika
olimpiadası"nın birinci mərhələsinə start
verildi.
Olimpiada Heydər Əliyev Fondu, Rabitə və
İnformasiya Texnologiyaları Nazirliyi, Təhsil
Nazirliyi və AMEA-nın İnformasiya
Texnologiyaları İnstitutunun təşkilatçılığı ilə
keçirildi. Birinci mərhələdə 10 ali təhsil
müəssisəsindən 42 komanda iştirak edirdi. Qafqaz
Universitetinin 8, Moskva Dövlət Universitetinin
Bakı Filialının 5, Bakı Dövlət Universitetinin
4, Azərbaycan Dövlət Neft Akademiyası,
Azərbaycan Texniki Universiteti və Naxçıvan
Dövlət Universitetinin hər birindən bir komanda
final mərhələsinə vəsiqə qazandı.
Final mərhələsi mayın 8-də AMEA-nın İnformasiya
Texnologiyaları İnstitutunda keçiriləcək.
Niyazi RƏHİMOV |
