Məktəblilərin bilik səviyyəsinin yoxlanması, eləcə də onların arasından respublika yarışlarına namizədlərin seçilməsi məqsədilə Gəncədə müxtəlif fənlər üzrə keçiriləcək olimpiadalara hazırlıq mərhələsi başa çatmışdır.   Gəncə Şəhər Təhsil İdarəsi metodiki mərkəzinin direktoru Afaq Əliyeva AzərTAc-a demişdir ki, dekabrın 5-də başlayacaq olimpiadada 7-11-ci siniflərin şagirdləri 9 fənn üzrə öz biliklərini nümayiş etdirəcəklər. Təxminən 1000 nəfər əlaçı şagirdin iştirak edəcəyi olimpiada üç mərhələdə keçiriləcəkdir. Onlara şəhər məktəblərindən seçilmiş təcrübəli müəllimlər nəzarət edəcəklər.