Bakıdakı 46 nömrəli orta məktəbdə Böyük Vətən müharibəsində qələbənin 65 illiyi münasibətilə tədbir keçirildi. Tədbiri giriş sözü ilə açan təhsil ocağının rəhbəri Sevinc Budaqova qonaqları salamlayaraq veteranları təbrik etdi və   bu kimi mərasimlərin keçirilməsinin şagirdlərin təlim-tərbiyəsinə müsbət təsir göstərdiyini və onların şəxsiyyət kimi formalaşmasına kömək etdiyini bildirdi.

Şagirdlər qələbə gününü şeirlərlə, mahnılarla, müxtəlif rəqslərlə, səhnəciklərlə  unudulmaz xatirəyə çevirdilər.

Müharibə veteranları tədbirin təşkilatçılarına minnətdarlıqlarını bildirdilər, şagirdlərə müharibədə göstərdikləri şücaətlərdən bəhs etdilər.

Tədbirin sonunda Böyük Vətən  müharibəsində qələbənin  65  illiyinə  həsr  olunmuş  film  nümayiş olundu.

Rəşad ZİYADOV