Prezident Sərəncamı ilə təsdiq edilmiş "2008-2012-ci illərdə Azərbaycan Respublikasında təhsil sisteminin informasiyalaşdırılması üzrə Dövlət Proqramı" uğurla həyata keçirilir.

Hazırda ölkə üzrə 500-dən çox təhsil müəssisəsi genişzolaqlı sürətli İnternet şəbəkəsinə qoşulmuşdur. İlin sonunadək şəbəkənin əhatə dairəsi 40-dək şəhər və rayonu əhatə edəcək və daha 500 məktəbin vahid təhsil şəbəkəsi vasitəsilə İnternetə çıxışı təmin olunacaqdır. "Elektron məktəb" layihəsi çərçivəsində Bakı, Abşeron və Sumqayıtın 30 pilot məktəbi bu şəbəkəyə qoşulmuşdur. Həmin məktəblərdə qabaqcıl şəbəkə texnologiyası olan CİSCO sistemi tətbiq olunur.

Müəllim və laborantlar üçün informasiya-kommunikasiya texnologiyaları üzrə treninqlər də təşkil edilir. İndiyədək 800 laborant üçün treninqlər keçirilmişdir.

AzərTAc