Nüfuzlu beynəlxalq Nobel mükafatının 2010-cu il laureatlarının adları açıqlanıb.

Fiziologiya və tibb sahəsində Nobel mükafatına Böyük Britaniya alimi Robert Edvards süni mayalandırma texnologiyasının hazırlanması üzrə işlərinə görə layiq görülüb.

Fizika üzrə Nobel mükafatı Böyük Britaniyada çalışan Rusiya alimləri, 36 yaşlı Konstantin Novoselova və 51 yaşlı Andrey Qeymə çatıb. Onlar bu nüfuzlu mükafata qrafenin alınması və tədqiqinə görə layiq görülüblər. Bu, hazırda Yer kürəsində ən möhkəm materialdır. Müasir nanotexnologiyanın inkişafını onsuz təsəvvür etmək mümkün deyil. Novoselov və Qeym qrafendən dünyada ən kiçik tranzistor hazırlamışlar. Onun qalınlığı 1 atom, uzunluğu  isə 10 atomdur. Qrafen özündə karbonun kristal qəfəsdə birləşmiş atomlarının ikiölçülü qatını əks etdirir. Alimlər belə hesab edirlər ki, o, gələcəkdə ən müxtəlif sahələrdə tətbiq oluna bilər.

Ədəbiyyat üzrə Nobel mükafatına Peru nasiri Mario Varqas Losa "Hakimiyyət strukturlarını ətraflı qələmə aldığına və üsyan edən, mübarizə aparan və məğlub olan insanı aydın təsvir etdiyinə görə" verilib.

Kimya sahəsində Nobelə amerikalı Riçard Xek, yaponlar Akiro Suzuki və El-içi Neqişi layiq görülüblər. Mükafat onlara palladium katalizatorların köməyi ilə üzvi sintezin gedişində çarpaz əlaqələrin yaradılması reaksiyasını işləyib hazırladıqlarına görə verilib.

Sülh Nobel mükafatını isə Çində əsas insan haqları uğrunda uzunillik və qeyri-zorakı mübarizəsinə görə Çin hüquq müdafiəçisi Lyu Syaobo alıb. 

Y.ƏLİYEV