Noyabrın 1-də Prezident İlham Əliyev İmişli rayonunun Allahmədətli kəndində yeni məktəb binası ilə tanış oldu. Məktəbin foyesindəki fotoguşədə ümummilli lider Heydər Əliyevin və Prezident İlham Əliyevin təhsilə diqqət və qayğısı  əksini tapmışdır. Məktəb lazımi avadanlıq  və  tədris vəsaitləri ilə  təchiz  edilmişdir.  Kompüter otağında  8  müasir kompüter quraşdırılmışdır.

Yaxın gələcəkdə onlar sürətli İnternet xəttinə qoşulacaqdır. Məktəbin kitabxanasında 1400 nüsxə ədəbiyyat vardır. Bu kitablar Prezident İlham Əliyevin "Azərbaycan dilində latın qrafikası ilə kütləvi nəşrlərin həyata keçirilməsi haqqında" Sərəncamına uyğun olaraq məktəbin kitabxanasına dövlət tərəfindən hədiyyə edilmişdir. Şagirdlərin idmanla məşğul olmaları üçün meydança da inşa olunmuşdur.

AzərTAc