Naxçıvan Muxtar Respublikasının Culfa şəhərində 3 nömrəli məktəb üçün yeni bina inşa olunur.

AzərTAc xəbər verir ki, 918 şagird yerlik binanın tikintisi "Gəmiqaya" Məhdud Məsuliyyətli Cəmiyyəti tərəfindən həyata keçirilir.

Zirzəmi ilə birlikdə 3 mərtəbədən ibarət olan müasir tipli məktəb binasının tikintisi artıq başa çatmaq üzrədir.

Ümumiyyətlə, hazırda Culfa şəhəri nəhəng tikinti meydanına çevrilmişdir. İlin əvvəllərindən şəhərdə 200 yerlik uşaq bağçasının, Yeni Azərbaycan Partiyası Culfa rayon təşkilatı üçün inzibati binanın tikintisinə, 540 şagird yerlik 2 nömrəli məktəb binasının isə yenidən qurulmasına başlanılmışdır.