Azərbaycanın azadlığı, bütövlüyü uğrunda şəhid olan vətən oğulları unudulmur. Bakıdakı 157 nömrəli məktəbdə belə qəhrəman oğullardan biri - şəhid Famil İsgəndərovun anadan olmasının 35 illiyi qeyd olunub.

Şəhid Famil İsgəndərovun adını daşıdığı məktəbin həyətində büstünün ziyarət edilməsindən sonra Azərbaycanın Milli Qəhrəmanı ilə  bağlı  təşkil edilən sərgiyə baxış keçirilib.Tədbir iştirakçılarına məlumat verən məktəbin direktoru Gülayə Səttarova bildirib ki, burada şəhidin təhsil aldığı illərdə yazdığı inşa yazıları, fotoşəkilləri nümayiş etdirilir. Dövlət himninin oxunması və vətənimizin azadlığı, ərazi bütövlüyü, müstəqilliyi uğrunda şəhid olanların xatirəsinin bir dəqiqəlik sükutla yad edilməsi ilə başlayan tədbirdə bir daha vurğulanıb ki, Azərbaycanda bu gün hökm sürən sabitliyin, əmin-amanlığın yaranmasında böyük xidmətləri olan ümummilli lider Neydər Əliyevin siyasi kursunu Prezident İlham Əliyev uğurla davam etdirir. Ulu öndər Neydər Əliyevin fərmanı ilə Famil İsgəndərova  Azərbaycanın Milli Qəhrəmanı adı verilib.

Məktəbdə şagirdlərin hərbi-vətənrərvərlik ruhunda tərbiyəsinə xüsusi diqqət yetirildiyini vurğulayan direktor bildirdi ki,  təhsil ocağında Famil İsgəndərov həftəsi keçirilir. Nəftə çərçivəsində şagirdlərə Milli Qəhrəmanın həyat yolu barədə məlumat verilir, inşa yazılarına baxış keçirilir.

Daha sonra Famil İsgəndərovun sinif rəhbəri Fazilə Qaimova, Şəhid Anaları Cəmiyyəti Binəqədi rayon şöbəsinin rəhbəri Dilarə Cabbarova, Binəqədi Rayon İcra Hakimiyyəti başçısının müavini Eldar Ağayev  çıxış edərək  Famil İsgəndərovun döyüş yolu barədə məlumat verib, onun şücaətindən və qəhrəmanlığından söz açıblar.

Şəhidin ailə üzvləri çıxış edərək tədbirin təşkilinə görə təşəkkürlərini bildiriblər.

Rəşad ZİYADOV