"DOTKOM" layihəsi çərçivəsində ABŞ-dan Azərbaycana gələn 11 şagird Bakı Şəhəri üzrə Təhsil İdarəsində olmuşdur.

İdarənin müdiri Nailə Rzaquliyeva şagirdlərə Azərbaycan təhsili barədə məlumat vermişdir. Onun sözlərinə görə, Azərbaycan və ABŞ şagirdlərinin təması, fikir mübadiləsi çox vacibdir. Bu cür səfərlər şagirdlərə olduqları ölkə haqqında kifayət qədər məlumat əldə etmək imkanı qazandırır.

Bir neçə gündür ki, Bakının Nizami rayonundakı 220 nömrəli məktəb-liseylə tanış olduqlarını deyən amerikalı şagirdlər buradakı təhsillə aldıqları təhsil arasında oxşarlıqlardan danışmışlar. Şagirdlər azərbaycanlı məktəblilərlə maraqlı diskussiyalar apardıqlarını qeyd etmişlər.

Xatırladaq ki, 2009-cu ildən "DOTKOM" layihəsinə qoşulan 220 nömrəli məktəb-liseyin bir qrup şagirdi keçən ilin iyulunda ABŞ-da olmuşdur.

AzərTAc