Ankaradakı Bilkənd Universitetində BMT gününə həsr olunmuş tədbirdə ölkəmizin Türkiyədəki səfirliyinin dəstəyi ilə açılmış Azərbaycan guşəsi tələbələr və tədbir iştirakçılarının böyük marağına səbəb olmuşdur.

Səfir Faiq Bağırovun təşəbbüsü ilə yaradılmış Azərbaycan guşəsində ölkəmizin tarixi, mədəniyyəti və bu günündən bəhs edən eksponatlar yer almışdır. Milli mətbəximizin nümunələri də bura gələnləri valeh etmişdir. Tələbələrimizin ifasında dahi Üzeyir Hacıbəylinin əsərləri də səsləndirilmişdir.

Ankaradakı diplomatik nümayəndəliyimizin dəstəyi ilə Azərbaycan Tələbə və Məzunlar Birliyi və Türk Dünyası Araşdırmaları Topluluğu (TÜDAT) Bilkənd və Ortadoğu universitetlərində xalqımızın mədəniyyəti, tarixi, ədəbiyyatı, musiqisi, coğrafi mövqeyi və türk dünyasındakı yerini təbliğ edən xüsusi layihə də həyata keçirilmişdir.

AzərTAc