Bakıda X dünya italyan dili həftəsi münasibətilə "İtalyan dili həftəsi" keçirilir.

Tədbir İtaliyanın Bakıdakı səfirliyi və Azərbaycan Dillər Universitetinin (ADU) italyan dili kafedrası tərəfindən təşkil olunmuşdur.

Oktyabrın 27-də ADU-da həftənin açılış mərasimində çıxış edən İtaliyanın Bakıdakı səfiri Mario Baldi öz ölkəsi ilə Azərbaycanın əlaqələrinin, o cümlədən təhsil və mədəniyyət sahələrindəki əlaqələrinin əhəmiyyətindən danışmışdır.  X dünya italyan dili həftəsi barədə məlumat verən M.Baldi qeyd etmişdir ki, Bakıda keçirilən həftə çərçivəsində konsertlər, fotosərgilər təşkil olunacaq, filmlər nümayiş etdiriləcək, seminarlar keçiriləcəkdir.

İtaliyanın Peruca Universitetinin professoru Stefano Ranyi italyan musiqisindən bəhs etmiş, ifa nümayiş etdirmişdir.

AzərTAc