Yeni dərs ili ərəfəsində Mingəçevir şəhərində 2 orta ümumtəhsil ocağı və bir şahmat məktəbi üçün yeni binanın tikintisi başa çatdırılmışdır.

Mingəçevir Şəhər Təhsil Şöbəsindən bildirmişlər ki, regionların sosial-iqtisadi inkişafı Dövlət Proqramına uyğun olaraq şəhər 5 saylı orta məktəb üçün, "Azərenerji" QSC-nin maliyyə dəstəyi ilə texniki-hümanitar lisey üçün, Təhsil Nazirliyinin vəsaiti hesabına şahmat məktəbi üçün müasir üslubda yeni bina inşa edilmişdir. Təhsil ocaqları yeni dərs ilində istifadəyə veriləcəkdir. Təhsil şöbəsinin daxili imkanları hesabına şəhərin digər orta məktəbləri və uşaq bağçaları da cari təmir edilmişdir.

Xatırladaq ki, 2003-cü ildən bəri Mingəçevirdə 4 məktəb binası əsaslı təmir edilmiş, 4-ü üçün yeni bina tikilmişdir.

AzərTAc