|
Amerika Birləşmiş Ştatları (ABŞ) Beynəlxalq
Tədqiqatlar və Mübadilələr Şurasının (İREX)
Azərbaycan nümayəndəliyi ABŞ Dövlət
Departamentinin maliyyə dəstəyi ilə "Qlobal
Tələbə Mübadiləsi Proqramı" (UGRAD) çərçivəsində
ölkəmizin ali təhsil müəssisələrinin I, II və
III kurs tələbələri üçün müsabiqə keçirmişdir.
Üç mərhələdə keçirilən müsabiqənin 10 nəfər
qalibi olmuşdur. Qaliblər avqustda ABŞ-a gedəcək
və bu ölkənin universitetlərində müxtəlif
ixtisaslar (mühasibat, kənd təsərrüfatı,
biologiya, biznes, kompüter elmi, iqtisadiyyat,
mühəndislik, turizmin idarə edilməsi və s.) üzrə
1 il müddətində dərəcəsiz təhsil alacaqlar.
|
