Təhsil Nazirliyinin kollegiyasında

Yeni qiymətləndirmə sistemi, nəticələr, problemlər və qarşıda duran vəzifələr geniş müzakirə olundu

Fevralın 9-da Azərbaycan Respublikası Təhsil Nazirliyi kollegiyasının növbəti iclası keçirildi. "Yeni qiymətləndirmə sistemi: nailiyyətlər, problemlər və qarşıda duran vəzifələr" mövzusunda məsələnin müzakirə olunduğu geniş iclasda kollegiya üzvləri ilə yanaşı, millət vəkilləri, nazirliyin şöbə müdirləri və struktur bölmələri rəhbərləri, Bakı Şəhəri üzrə Təhsil İdarəsinin məsul işçiləri, sınaq imtahanları keçirilən məktəblərin direktorları və imtahan rəhbərləri, KİV nümayəndələri iştirak edirdilər.

"Ən yaxşı ümumtəhsil məktəbi" müsabiqəsinin keçirilməsi və ümumtəhsil məktəblərinə verilən mukafatdan istifadə edilməsi

QAYDALARI

1. ümumi müddəalar

1.1. Ən yaxşı ümumtəhsil məktəbi müsabiqəsi Azərbaycan Respublikası Prezidentinin "Ən yaxşı ümumtəhsil məktəbi və ən yaxşı müəllim mükafatlarının təsis edilməsi haqqında" 2007-ci il 4 sentyabr tarixli 2373 nömrəli sərəncamı əsasında təşkil edilir.

1.2. Müsabiqənin keçirilməsində başlıca məqsəd innovativ təhsil proqramlarının tətbiqi ilə təlim-tərbiyə sahəsində uğurlu nəticələrə nail olan, keyfiyyət göstəricilərinə görə fərqlənən ümumtəhsil məktəblərini müəyyən etmək, yaradıcı pedaqoji kollektivlərin qabaqcıl təcrübəsini respublika miqyasında geniş yaymaq, təhsil müəssisələri arasında yenilikçilik uğrunda sağlam rəqabətin güclənməsinə real zəmin yaratmaq və ictimaiyyətin, valideynlərin, xeyriyyəçi iş adamlarının, biznes qurumlarının diqqətini məktəblərin inkişafı ilə bağlı məsələlərə fəal cəlb etməkdən ibarətdir.

"Ən yaxşı müəllim"

müsabiqəsinin keçirilməsi

QAYDALARI

1. ümumi müddəalar

1.1. Ən yaxşı müəllim müsabiqəsi Azərbaycan Respublikası Prezidentinin "Ən yaxşı ümumtəhsil məktəbi və ən yaxşı müəllim mükafatlarının təsis edilməsi haqqında" 2007-ci il 4 sentyabr tarixli 2373 nömrəli sərəncamı əsasında təşkil edilir.

1.2. Müsabiqənin keçirilməsində başlıca məqsəd ölkənin ümumi təhsil müəssisələrində çalışan yaradıcı müəllim potensialını üzə çıxarmaq, müasir təlim texnologiyalarının tətbiqi sahəsində uğurlu nəticələri ilə fərqlənən istedadlı müəllimləri müəyyən etmək, novatorluğa və innovasiyalara meyilli müəllimlərə pedaqoji ustalıqlarını nümayiş etdirmək üçün səmərəli şərait yaratmaq, cəmiyyətdə müəllimin statusunu və nüfuzunu yüksəltmək, dövlətin təhsil siyasətinin həyata keçirilməsində müəllimin rolunun getdikcə artmasına nail olmaq və onların peşəkarlıq səviyyəsinin yüksəldilməsində stimullaşdırıcı tədbirlərin mühüm əhəmiyyət daşıdığını geniş ictimaiyyətin diqqətinə çatdırmaqdan ibarətdir.

Aktual söhbət

Qabaqcıl müəllimlərin təcrübəsindən istifadə ediləcək

On ildən çoxdur ki, Tələbə Qəbulu üzrə Dövlət Komissiyasının nəzdində qəbul imtahanlarına düşən bütün fənlər üzrə elmi-metodik seminarlar fəaliyyət göstərir. İmtahanların məzmununa aid materialların  qəbul proqramları, imtahan sualları, test topluları, metodik tövsiyələr və vəsaitlərin işlənib hazırlanması bilavasitə bu seminarların və TQDK-dan onların işini tənzimləyən Orta təhsil üzrə yoxlama-ölçmə materialları sektorunun fəaliyyətinin nəticəsidir.  

Əməkdaşımız sektorun müdiri Afiqə Batıyeva ilə bu istiqamətdə görülən işlər  və nəzərdə tutulan tədbirlər barədə söhbət etmişdir.

Müəllimlər elektron dərslikləri yüksək qiymətləndirdilər

Müasir texnologiyaların sürətli inkişafı insan tərəfindən informasiyanın qavranılmasını tamamilə dəyişmişdir. Əsas informasiya mənbələri radio, televiziya və İnternet olmuşdur. İnformasiyanın rəqəmli-vizual formaları adi hal aldığından onun tədrisdə istifadəsi zərurəti də yaranmışdır.

 Azərbaycan Respublikası Təhsil Nazirliyi tərəfindən hazırlanıb ötən il məktəblərə çatdırılmış, müxtəlif fənləri əhatə edən multimedia dərslikləri ən yüksək səviyyədə interaktivliyi ilə fərqlənən müasir tədris vəsaiti kimi artıq istifadəyə verilmişdir.

İKT üzrə daha bir treninq keçirildi

İnformasiya-kommunikasiya texnologiyalarının təhsil sahəsində tətbiqi ilə bağlı  Proqramda əsas istiqamətlərdən biri də müəllimlərin bu işə hazırlanmasıdır. Bu isə treninqlər vasitəsilə həyata keçirilir.

Belə tədbirlərdən biri də fevralın 12-də Bakı Kompüter Kollecində oldu. Həmin gün burada "İntel" korporasiyasının ölkəmizdə həyata keçirilən "Gələcəyin təlimi" layihəsi çərçivəsində birgünlük treninq təşkil edilmişdi. Bu sahədə yüksək hazırlığa malik məşqçi-müəllimlərin iştirak etdiyi məşğələni "İntel" şirkətinin Moskvadan gəlmiş təmsilçiləri - MDB ölkələrində həyata keçirilən proqramların direktoru Vera Baklaşova, Rusiya və Qazaxıstanda reallaşdırılan proqramların direktoru Yaroslav Bıkovski aparırdılar.

Təhsil sahəsində Azərbaycan-ABŞ əməkdaşlığı daha da genişlənir

ABŞ Dövlət Departamentinin maliyyələşdirdiyi proqramlarda bu il ölkəmiz necə iştirak edəcək?

Bu sualla Təhsil Nazirliyinin Xarici əlaqələr, informasiya və koordinasiya şöbəsinin müdiri Qulu Novruzova müraciət etdik. O dedi:

- Azərbaycan Respublikası Təhsil Nazirliyinin beynəlxalq əlaqələrində həm məzmun, həm də miqyas baxımından aparıcı ölkələr sırasında ABŞ xüsusi yer tutur. ümumiyyətlə, beynəlxalq əməkdaşlıqda ABŞ ilə əlaqələr Azərbaycan dövlətinin böyük əhəmiyyət verdiyi ən mühüm istiqamətlərdən biridir. Bu əlaqələrin içərisində təhsil sahəsində əməkdaşlıq xüsusi yer tutur. Təsadüfi deyil ki, Azərbaycan bu ölkə ilə müxtəlif təhsil proqramları çərçivəsində geniş əlaqələr yarada bilmişdir. Bunu yəqin etmək üçün ABŞ-ın Azərbaycanda həyata keçirdiyi layihələri sadalamaq kifayətdir.

Adambaşına maliyyələşmə təhsilimizə nə verəcək?

Azərbaycan təhsili daim inkişaf edir, yeniləşir, dünya təhsil sahəsində olan yeniliklər, qabaqcıl təcrübə öyrənilir. Belə təcrübələrdən biri də adambaşına maliyyələşdirmədir. Respublikamızda üç pilot rayonu kimi seçilmiş Əli Bayramlı, Ucar və İsmayıllıda olan ümumtəhsil məktəblərində, habelə Bakı şəhərindəki ümumtəhsil məktəbləri, peşə liseyi, peşə məktəbi və orta ixtisas məktəblərində adambaşına maliyyələşdirmə eksperiment kimi qoyulub. Cari ildə isə bir çox təhsil müəssisəsi bu maliyyələşmə formasından istifadəyə keçib.

ümumiyyətlə, adambaşına maliyyələşdirmə nə deməkdir? özünü maliyyələşdirmək məktəbə nə verəcək?  Bu suallara aydınlıq gətirmək üçün  Təhsil Nazirliyi Plan-maliyyə sektorunun müdiri Şahrza Əliyevlə görüşdük. O dedi:

Bakalavr pilləsi üçün ixtisasların yeni siyahısı hazırlanıb

Bu ildən ali məktəblərə qəbul həmin siyahıda nəzərdə tutulan ixtisaslar üzrə aparılacaq

ölkəmizin 2005-ci ildən Boloniya Bəyannaməsini imzalaması ilə ali təhsil müəssisələrimiz Avropa təhsil məkanına inteqrasiya imkanı qazanıb. Həmin prosesi sürətləndirmək üçün son illər Təhsil Nazirliyində və ali məktəblərdə ciddi iş aparılır. Bu istiqamətdə atılmış mühüm addımlardan biri də Təhsil Nazirliyi tərəfindən ali təhsilin bakalavr pilləsi üçün ixtisasların yeni siyahısının hazırlanmasıdır. Bəs hazırda təsdiq mərhələsində olan yeni siyahı hansı zərurətdən meydana gəlib?

Magistr  hazırlığı  hansı  səviyyədə  aparılır

ölkəmizdə çoxpilləli təhsil sisteminin mühüm tərkib hissələrindən biri olan magistratura 1997-ci ildən tətbiq olunur. ötən illər ərzində təhsilimiz üçün yeni olan bu pillənin inkişafı istiqamətində nə kimi işlər görülüb? Magistratura təhsili bu gün hansı səviyyədədir? Təhsil Nazirliyinin Ali və orta ixtisas təhsili şöbəsinin baş məsləhətçisi Kamil Məcidov həmin məsələ ilə bağlı aşağıdakı məlumatları verdi:

- Azərbaycan Respublikası Nazirlər Kabinetinin "Magistr hazırlığı haqqında" müvafiq qərarına əsasən 1997-1998-ci tədris ilindən respublikamızda ali təhsilin ikinci - magistr pilləsinə keçilib. Bu qərarla əlaqədar olaraq 1997-1999-cu illərdə müvafiq normativ - hüquqi baza yaradılıb, respublikada magistr hazırlığını həyata keçirmək məqsədilə lazımi sənədlər hazırlanıb və təsdiq olunub.

Mikayıl Müşfiqin yubileyi qeyd edildi

Fevralın 13-də Bakıdakı 147 nömrəli texniki-humanitar liseyin akt zalında Azərbaycanın görkəmli şairi Mikayıl Müşfiqin anadan olmasının 100 illik yubileyi qeyd edildi.

 Mərasimdə professor Nizami Cəfərov, yazıçı, professor Gülhüseyn Hüseynoğlu, Xətai Rayon İcra Hakimiyyətinin məsul işçisi Qüdrət Səfərov, Bakı Şəhəri üzrə Təhsil İdarəsinin böyük məsləhətçisi Firudin Abbasov, professor Məlikbaxış Babayev, məktəbin pedaqoji kollektivi, şagirdlər və digər qonaqlar iştirak edirdilər.

Toplantını giriş sözü ilə açan liseyin direktoru Həlimə Mehdiyeva yığıncaq iştirakçılarını salamlayaraq şairin qısa, lakin şərəfli ömür yolu keçdiyini, bu gün də xatirələrdə yaşadığını, qədirbilən xalqımız tərəfindən həmişə hörmətlə anıldığını qeyd etdi.

Uşaqlar qayğıdan razılıq etdilər

Dünyanın 131 ölkəsində 440 SOS Uşaq Kəndi var. 2000-ci ildə ulu öndər Heydər Əliyevin  təşəbbüsü ilə "SOS Uşaq Kəndləri - Azərbaycan" Assosiasiyası  yaradılıb. Elə o vaxtdan Sevil Əliyeva Assosiasiyanın fəxri prezidenti seçilib. "SOS Uşaq Kəndləri - Azərbaycan" Assosiasiyası imkanlı şəxslərin, xeyirxah insanların, şirkətlərin, ianələrin hesabına maliyyələşir. Assosiasiyanın Xətai rayon filialında müasir tipli, 14 ailə evində 100 uşaq məskunlaşıb. Buraya 6 aylığından 8 yaşına qədər kimsəsiz, valideyn himayəsindən məhrum olan uşaqlar götürülür.

Uşaqların bir neçəsi ilə görüşüb söhbət edirik.

- Adım Aydandır. 1999-cu ildə Balakən rayonunda anadan olmuşam. Bakı SOS Uşaq Kəndinə gəlişim belə yadımda qalıb.