Şərur şəhər 1 nömrəli məktəbin binası yenidənqurmadan sonra istifadəyə verilmişdir.

Açılış mərasimində çıxış edən Naxçıvan Muxtar Respublikası Ali Məclisinin sədri Vasif Talıbov Şərur şəhər 1 nömrəli məktəbinin yenidənqurmadan sonra istifadəyə verilməsi münasibətilə şagird və müəllim kollektivlərini təbrik etmişdir. V.Talıbov ümummilli liderimiz Heydər Əliyevin təhsilin inkişafı və tərəqqisinə xüsusi diqqət yetirdiyini qeyd etmiş, hazırda təhsil islahatlarının Prezident İlham Əliyev tərəfindən uğurla davam etdirildiyini, ölkəmizdə təhsilə yüksək diqqət və qayğı göstərildiyini vurğulamışdır.

Şərur şəhərindəki 1 nömrəli məktəbin binası da yüksək dünya standartları səviyyəsində yenidən qurulmuşdur.

üçmərtəbəli yeni təhsil ocağında 41 sinif otağı, kimya-biologiya laboratoriyası, 2 elektron lövhəli sinif, 2 kompüter otağı, 2 müəllimlər otağı, hərbi kabinet, kitabxana, idman zalı fəaliyyət göstərəcəkdir.

Açılış mərasimində çıxış edən Şərur Rayon İcra Hakimiyyətinin başçısı İbrahim Məmmədov, müəllim Könül Nəcəfova və digər natiqlər təhsilə göstərilən qayğı və diqqətə görə dövlətimizin başçısına minnətdarlıqlarını bildirmişlər.

AzərTAc