Martın 4-də Azərbaycan Müəllimlər İnstitutunda növbəti elmi konfrans keçirildi. Konfrans tələbələrin elmi-tədqiqat işlərinə həsr olunmuşdur. Konfransın plenar iclasını giriş sözü ilə institutun tədris işləri üzrə prorektoru, professor Şamil Qasımlı açaraq tədbirin mahiyyətindən danışdı və işinə uğurlar arzuladı.

Sonra "Azərbaycan Demokratik Respublikasında təhsilin milliləşdirilməsi məsələləri" mövzusunda pedaqoji fakültənin IV kurs tələbəsi Sevinc Babayeva, "Müasir dövrdə depressiyanın yaranma səbəbləri və onun aradan qaldırılması yolları" mövzusunda isə pedaqogika və filologiya fakültəsinin III kurs tələbəsi Solmaz Əliyeva məruzə etdilər. Sonra konfrans öz işini iki bölmədə davam etdirdi. Yekunda iştirakçılar konfransın işini müzakirə etdilər. Hər iki bölmə sədrləri konfransda müzakirə olunan işlərin müəlliflər tərəfindən yüksək səviyyədə təhlil olunduğunu və müzakirələrin səmərəli keçirildiyini qeyd etdilər.

Tədbirin sonunda tələbələr hər zaman öz bilik və bacarıqlarını nümayiş etdirə bilmələri üçün yaradılan şəraitə görə institutun rektoru, professor A.Naxçıvanlıya öz dərin minnətdarlıqlarını bildirdilər. 

R.ZİYADOV