|
|
|
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Heydər
ƏLİYEV |
Azərbaycan
Respublikasının Prezidenti yanında Dövlət İdarəçilik
Akademiyasında (DİA) "Dövlət idarəçiliyində
varislik, novatorluq və dinamizm. İlham Əliyevin prezidentlik
fəaliyyətinin xronikası: Rəsmi qəbul və
səfərlərinin icmalı (2003- 2008)" adlı ikicildlik
kitabın təqdimat mərasimi keçirilmişdir. Elmi
redaktoru, akademik Ramiz Mehdiyev olan kitabda İlham Əliyevin
prezidentlik fəaliyyətinin beşillik dövrünün xronikası:
rəsmi qəbul və səfərlərinin icmalı,
habelə müxtəlif beynəlxalq qurumların nümayəndələri
ilə görüşləri, məruzə, nitq, çıxış
və müsahibələri əksini tapmışdır. Mərasimdə
DİA-nın rektoru, əməkdar elm xadimi, professor
Seyfəddin Qəndilov ümummilli lider Heydər Əliyevin inkişaf
strategiyasının layiqli davamçısı Prezident İlham
Əliyevin siyasi xəttinin varislik, novatorluq və dinamizm
prinsiplərinə əsaslandığını vurğulamışdır.
Rektor dövlətimizin başçısının siyasi xəttinin
cəmiyyətin mütləq əksəriyyəti
tərəfindən dəstəkləndiyini və 2008-ci il
oktyabrın 15-də ölkəmizdə keçirilmiş prezident seçkilərində
bu həqiqətin bir daha təsdiqləndiyini söyləmişdir.
S.Qəndilov yeni nəşrin dövlətimizin başçısının idarəçilik fəaliyyətinin səmərəli nəticələrini öyrənmək baxımından məmurlarımız, eləcə də DİA-da hazırlanan ehtiyat kadrlar, təhsil alan müdavimlər, həmçinin geniş oxucu kütləsi üçün faydalı olduğunu bildirmişdir. |
||||||||||||||||||||||||||||||||||||||||||||||||||
|
Təhsil işçiləri referendumu dəstəkləyirlər 1993-cü
il milli qurtuluşumuzun əsasının qoyulmasından başlayan
demokratik dövlət quruculuğu yolunda atılan ən mühüm
addımlardan biri də 1995-ci il noyabrın 12-də ümumxalq
səsverməsi yolu ilə ilk Konstitusiyamızın
qəbul olunması oldu. Müstəqil
Azərbaycanın ilk Konstitusiyası ölkədə
demokratik, hüquqi, dünyəvi və unitar dövlət qurulması
işinə zəmin yaratdı. Bu dövr ərzində
Konstitusiyamız insan və vətəndaş azadlıqlarının
təmin olunmasını dövlətin ali məqsədi elan
edilmiş ölkəmizdə aparılan irimiqyaslı
islahatlar üçün möhkəm qanunvericilik bazası yaratmağa
imkan vermişdir. Müasir
Azərbaycanın memarı və qurucusu Heydər Əliyevin
uzaqgörən müdrik siyasəti nəticəsində bütün dünya
müstəqil Azərbaycanımızı sivil yolla inkişaf
edən demokratik ölkə kimi tanımağa başladı.
Ulu öndərin milli və bəşəri
dəyərlərə söykənən siyasi kursu bu gün uğurla
davam etdirilir. |
|
Birinci Beynəlxalq muğam festivalında Azərbaycan 3 ifaçı ilə təmsil olunacaq
Müsabiqənin münsiflər heyətinin üzvü,
Azərbaycan Milli Konservatoriyasının rektoru, xalq artisti
Siyavuş Kərimi bildirmişdir ki, bu yarışmada iştirak
etmək üçün 104-dən çox ifaçı müraciət etmişdir.
Martın 5-də keçirilmiş birinci turda 27 nəfər iştirak
etmiş, onlardan 11-i II tura adlamışdır. İkinci
turun nəticələrinə görə 3 nəfər qalib
gələrək beynəlxalq müsabiqədə iştirak
etmək hüququ qazanmışdır. Tədbirdə çıxış edən mədəniyyət və turizm naziri Əbülfəs Qarayev və təhsil naziri Misir Mərdanov qalibləri təbrik edərək bildirmişlər ki, YUNESKO-nun və İSESKO-nun xoşməramlı səfiri, Heydər Əliyev Fondunun prezidenti, Milli Məclisin deputatı Mehriban xanım Əliyevanın təşəbbüsü ilə keçirilən Beynəlxalq muğam festivalı Azərbaycanın dünyada daha geniş tanınması, musiqimizin təbliği baxımından olduqca əhəmiyyətlidir. |
Muğam
festivalı ilk dəfə Bakıda keçiriləcək
Heydər Əliyev Fondu, Mədəniyyət və Turizm Nazirliyi və Azərbaycan Bəstəkarlar İttifaqının təşkilatçılığı ilə Bakıda keçiriləcək "Muğam aləmi" Beynəlxalq musiqi festivalı - 2009"-a Azərbaycan Mədəniyyətinin Dostları Fondu və Təhsil Nazirliyi dəstək verir. Bakıda həmçinin festivalda iştirak hüququ verən 1-ci Respublika muğam müsabiqəsi keçirilib. Bu məqsədlə martın 7-də Təhsil Nazirliyində təşkil olunmuş mətbuat konfransında təhsil naziri Misir Mərdanov bildirdi ki, ölkəmizdə son dövrlərdə muğama, xalq sənətinə, milli adət-ənənələrə böyük diqqət yetirilir. Bu, əsasən YUNESKO və İSESKO-nun xoşməramlı səfiri, millət vəkili Mehriban xanım Əliyevanın adı ilə bağlıdır. |
Sumqayıtda Təhsil Nazirliyinin səyyar kollegiya iclası keçirilib Martın 11-də Sumqayıtda Təhsil
Nazirliyinin səyyar kollegiya iclası keçirilib. Kollegiya üzvləri
ilə yanaşı Təhsil Nazirliyinin struktur-bölmə
rəhbərlərinin, rayon təhsil şöbələri müdirlərinin,
Bakı və Sumqayıtın məktəb direktorlarının
iştirak etdikləri geniş iclasda "Sumqayıt Şəhər
Təhsil Şöbəsi tərəfindən təhsil müəssisələrinin
idarəolunmasında davamlı inkişafın təmin
edilməsi" mövzusunda məsələ müzakirə
olunub. Kollegiya iclasını açan təhsil naziri Misir Mərdanov son illər Sumqayıtda bütün sahələrdə, o cümlədən təhsildə xeyli müsbət işlərin görüldüyünü, ciddi uğurların qazanıldığını bildirib. Nazir təhsilin bütün parametrləri üzrə Sumqayıtın göstəricilərinin respublika üzrə orta göstəricilərdən yüksək olduğunu, şəhər təhsil şöbəsində hər bir məktəb, müəllim və şagird haqqında məlumat bazasının yaradıldığını, təhsilin səmərəli idarəolunması sahəsində faydalı təcrübənin toplandığını vurğulayıb və səyyar kollegiyanın həmin təcrübənin öyrənilib yayılması üçün keçirildiyini söyləyib. |
|
Aspirantların və gənc tədqiqatçıların XIII Respublika elmi konfransı Martın 6-da Azərbaycan Dövlət İqtisad
Universitetində aspirantların və gənc tədqiqatçıların
XIII Respublika elmi konfransı keçirildi. Konfransın təntənəli açılış
mərasiminin iştirakçılarını salamlayan
Azərbaycan Respublikasının təhsil naziri Misir
Mərdanov ölkəmiz müstəqillik əldə etdikdən
sonra artıq on üçüncü dəfə təşkil edilən
bu tədbirin gənclərin elmi-tədqiqat işinə
maraqlarının artırılmasında, onların elmi
araşdırmalarının nəticələrinin müzakirə
edilməsində çox böyük əhəmiyyət kəsb
etdiyini bildirdi. Təhsil naziri elmi konfransda 20 ali məktəbin 300-dək gənc alim və tədqiqatçısının iştirak etdiyini diqqətə çatdırdı və ölkənin 50 ali təhsil müəssisəsinin bir çoxunun bu vacib tədbirdə təmsil olunmadığını təəssüf hissi ilə qeyd etdi. |
|
|
|
Müasir cəmiyyətdə baş verən sürətli dəyişikliklər bir daha sübut edir ki, təbii ehtiyatlara tələbat qeyri-stabil olsa da, insan kapitalına olan tələbat həmişə yüksək dəyərləndirilir. Son zamanlar qloballaşan dünyada baş verən böhran ölkələri təbii ehtiyatlardan daha səmərəli istifadə etməyə və daha çevik iqtisadi münasibətlərin formalaşmasına sövq edir. Bu proses bir daha bilik iqtisadiyyatının əhəmiyyətini artırır. Son illər Türkiyə Respublikasının sosial-iqtisadi həyatında baş verən yüksəlişlərin səbəbləri təhlil edilərkən zəngin təbii resurslara malik olmayan bir ölkənin ixracat potensialının artması iqtisadçıları çox maraqlandırır. Təhlilin nəticəsi kimi, bir faktor daha çox büruzə verir ki, ölkə bilik iqtisadiyyatının formalaşmasında böyük irəliləyişlər əldə etmişdir. Belə ki, ixracatın böyük hissəsini məhz yüksək bilik tələb edən texnologiya, maşınqayırma və cihazqayırma sahəsi təşkil edir. |
Gəncə təhsili inkişaf yollarında Son günlər ulu Nizami yurdu - Gəncəyə qədəm basan hər bir kəs bu qədim şəhərdə aparılan quruculuq-abadlıq işləri ilə yanaşı, təhsilin də sürətli inkişafından heyrətlənməyə bilmir - "Cəmiyyət genişdir, maarif isə onu işıqlandıran Günəşdir", - deyən ulu öndər Heydər Əliyevin təhsilimizə göstərdiyi diqqət və qayğı bu gün də siyasi varislik nümunəsi kimi davam etdirilir və onun inkişafı üçün əsaslı islahatlar həyata keçirilir. Bu gün təhsilin inkişafı üçün ölkəmizin hər yerində olduğu kimi, Azərbaycanın ikinci sənaye və mədəniyyət mərkəzi olan Gəncə şəhərində də ardıcıl və məqsədyönlü tədbirlər görülür. Hazırda Gəncə Şəhər Təhsil İdarəsinin tabeliyində 101 təhsil müəssisəsi vardır. Dərs ilinin əvvəlindən Gəncədə 44 orta, 1 əsas, 2 internat məktəb, 1 gimnaziya fəaliyyət göstərir. Bu müəssisələrdə təhsil alan 41548 şagirdin təlim-tərbiyəsi ilə 4773 müəllim məşğul olur. |
British Council-in Azərbaycanda yeni layihəsi - 16 Müəllimlərin,
şagirdlərin və ingilis dilini öyrənənlərin
nəzərinə! Xarici
dilin öyrənilməsi sahəsində tam yeni və orijinal
metodologiya!
|
|
 |
 |
 |
 |
Konstitusiyanı
öyrənmək lazımdır. Konstitusiyanı dərk
etmək lazımdır. Konstitusiyanın maddələrini,
xüsusən vətəndaşların
vəzifələrinə aid olan, vətəndaşların
hüquqlarına aid olan maddələrini vətəndaş
bilməlidir, bizim gənc vətəndaş bilməlidir
və ona riayət etməlidir. Güman edirəm ki, bu
vəzifələri siz özünüzün ümdə
vəzifələriniz kimi qəbul etməlisiniz. Bir sözlə,
əsas vəzifəmiz Azərbaycanın müstəqilliyini
qoruyub saxlamaqdır...
Martın
10-da Abdulla Şaiq adına Dövlət Kukla Teatrında
Azərbaycanda ilk dəfə keçiriləcək
Beynəlxalq muğam festivalında iştirak edəcək
muğam ifaçılarının I Respublika muğam müsabiqəsinin
seçim turunun qaliblərinin adları açıqlanmışdır.
Son
illərdə Şərq xalqlarının
ənənəvi musiqisinin özünəməxsus janrlarının,
o cümlədən Azərbaycan muğamının qorunması
və inkişafı ümumdünya miqyasında diqqət
mərkəzindədir. YUNESKO-nun bəşəriyyətin
şifahi və qeyri-maddi irsinə dair şah
əsərlərindən ibarət dünya siyahısına
Azərbaycan muğamının daxil edilməsi bədii
dəyərə malik olduğunu sübut edir. 
Martın
10-da təhsil naziri Misir Mərdanovun iştirakı ilə
kurikulumların tətbiq edildiyi ibtidai siniflərdə işləyən
müəllimlərin nəzəri, eləcə də praktik
cəhətdən hazırlıq səviyyələrinin
artırılması ilə bağlı
məsələyə həsr olunan iclas keçirildi.
Tədbirdə təhsil
Laçın
rayonunun Qarakeçdi kənd sakini Əsəd Həsənov işdən
qanunsuz çıxarılması ilə bağlı Heydər
Əliyev Fondunun prezidenti Mehriban xanım Əliyevaya müraciət
ünvanlayıb. Surəti redaksiyamıza da daxil olan müraciətdə
Əsəd müəllim məktəblərində dərs bölgüsündə
olan əyintilərdən, xüsusən də direktorun bu
məsələdə qohumbazlıq göstərməsindən,
özünə qarşı olan haqsızlıqdan bəhs edir
və kömək istəyir. Müraciətdə qeyd olunanların
həqiqətə nə dərəcədə uyğun
olmasını söyləmək çətindir. Bu, xüsusi araşdırma
tələb edir və yəqin ki, araşdırılacaq
da. Bizim diqqətimizi cəlb edən, ilk növbədə, müraciətin
müəllim adına yaraşmayan dərəcədə
savadsız yazılması oldu.