|
Naxçıvan Özəl Universitetində Azərbaycan milli
mətbuatının 135 illiyinə həsr olunmuş
"Azərbaycan milli mətbuatının dünəni və bu günü"
mövzusunda elmi-praktik konfrans keçirildi.
Konfransı giriş sözü ilə universitetin tərbiyə
işləri üzrə prorektoru Əli Yusifov açdı. Sonra
filologiya elmləri üzrə fəlsəfə doktoru Rafiq
Babayev "Azərbaycan milli mətbuatının yaranması
və inkişafı tarixi" mövzusunda məruzə etdi.
Qeyd olundu ki, ölkəmizdə azad mətbuatın
yaranması ümummilli liderimiz Heydər Əliyevin
adı ilə bağlıdır. Məhz onun apardığı uzaqgörən
siyasətin, həyata keçirilən məqsədyönlü
tədbirlərin nəticəsidir ki, milli mətbuatımız XX
əsrin sonunda hərtərəfli inkişaf yoluna qədəm
qoydu. Azad, demokratik, dünyəvi cəmiyyət
quruculuğu istiqamətində fəaliyyət göstərən
mətbuatın müstəqil ictimai fikrin, düşüncə
tərzinin formalaşmasında özünəməxsus xidmətləri
var.
Sonra magistr, pedaqoji fakültənin tyutoru Anar
Abuzərli "Azərbaycan milli mətbuatının bu günü"
mövzusunda məruzə etdi.
Mina QASIMOVA |
