· Ana səhifə

· Rəsmi

· Heydər Əliyev Fondu

· Əmrlər, sərəncamlar

· Təhsil Nazirliyində

· Xəbərlər

· Pedaqoji yazılar

· Məktəblərimiz

· Bizimlə əlaqə

Kompüter müasir dünyada əvəzolunmaz bir vasitədir. Hər bir uşaq, hər bir gənc bunu bilməlidir, xarici dilləri bilməlidir. Dünyada baş verən bütün hadisələri, bütün yenilikləri bilməlidir ki, həyatda öz yerini tutsun. Azərbaycanda, bütövlükdə bu sahədə bu vaxta qədər görülən işlər qənaətbəxşdir.

İlham ƏLİYEV,

Azərbaycan Respublikasının Prezidenti

Məktəb tikintisi davam edir

BİLƏSUVAR. Rayonun Ağayri kəndində 220 şagird yerlik məktəb binası tikilir. Cari ilin sentyabrında istifadəyə veriləcək bu təhsil ocağında 11 sinif otağı, kompüter kabineti, kitabxana, idman zalı və nasosxana olacaqdır.

Qeyd edək ki, rayonda son 4 ildə təkcə Heydər Əliyev Fondunun "Yeniləşən Azərbaycana yeni məktəb" layihəsi çərçivəsində 4 orta məktəb binası inşa edilərək şagirdlərin ixtiyarına verilmişdir. ötən il rayonun 200 şagird yerlik Əmənkənd kənd məktəbinin də açılışı olmuş, Təzəkənd, Cürəli, Nərimankənd kənd orta və 6 saylı internat məktəbləri isə əsaslı təmir edilmişdir.

Cari ildə rayonun kənd məktəbləri üçün əlavə 10 sinif otağının tikilməsi nəzərdə tutulmuşdur.

ŞƏMKİR. 2009-cu ildə rayonda 5 yeni məktəb binası istifadəyə veriləcəkdir. Məktəblərdən ikisi Heydər Əliyev Fondunun təşəbbüsü, üçü isə Dövlət Proqramına əsasən inşa edilir. Dəllər, çinarlı qəsəbələrində, Təzəkənd, İrmaşlı və Aşağı Seyfəlli kəndlərində inşa edilən tədris ocaqlarında son tamamlama işləri görülür.

Müasir standartlara cavab verən məktəblərdə mərkəzləşmiş istilik sistemləri olacaqdır.

AzərTAc

MİNGƏçEVİR.  ölkəmizin bütün regionlarında olduğu kimi, Mingəçevirdə də məktəblərin maddi-texniki bazasının möhkəmləndirilməsi diqqət mərkəzindədir. Belə ki, 2008-ci ilin yayından R.Muradov adına texniki-humanitar liseyin binası günün tələblərinə cavab vermədiyi üçün sökülüb, yerində müasir üslubda üçmərtəbəli 1200 yerlik binanın tikintisinə başlanıb. Məktəb dövlət vəsaiti hesabına və Heydər Əliyev Fondunun "Yeniləşən Azərbaycana yeni məktəb" Proqramı çərçivəsində inşa edilir. Təhsil ocağında 50 sinif otağı, fizika, kimya laboratoriyaları, kitabxana, kompüter mərkəzi, idman kompleksi, əl oyunları  meydançası, emalatxana, yaşıllıq sahəsi və s. nəzərdə tutulmuşdur.

Şamil MƏHƏRRƏMOV

Təhsil Nazirliyinin kollegiyasında

ötən il təhsil sahəsində görülmüş işlər, əldə olunan uğurlar diqqətə çatdırıldı, cari ildə qarşıda duran vəzifələr geniş müzakirə olundu

Yanvarın 10-da Təhsil Nazirliyində növbəti  kollegiya iclası keçirildi. İclasda kollegiya üzvləri ilə yanaşı, Milli Məclis sədrinin birinci müavini Ziyafət Əsgərov, Nazirlər Kabinetinin Elm, mədəniyyət, təhsil və sosial problemlər şöbəsinin müdir müavini Qurban Əmirov, millət vəkilləri, ali məktəblərin rektorları, Təhsil Nazirliyinin struktur bölmə rəhbərləri, orta ixtisas təhsili müəssisələrinin, Tələbə Qəbulu üzrə Dövlət Komissiyasının, Bakı Şəhəri  üzrə Təhsil İdarəsinin, bir sıra rayon və şəhər təhsil şöbələrinin rəhbər işçiləri, məktəb direktorları, KİV nümayəndələri iştirak edirdilər.

Təhsil naziri, kollegiyanın sədri Misir Mərdanov iclası açaraq hamını salamladı, qonaqlara dəvətlərini qəbul edib gəldikləri  üçün  minnətdarlığını bildirdi.

Nazir yeni ilin ilk kollegiya iclasının 2008-ci ildə təhsil sahəsində görülmüş işlər və 2009-cu ildə qarşıda duran vəzifələrin müzakirəsinə həsr olunduğunu deyərək  son illər   hesabat xarakterli belə kollegiya iclaslarının keçirilməsinin artıq ənənəyə çevrildiyini qeyd etdi.

Təhsil naziri Misir Mərdanov müzakirə olunan məsələ barədə geniş məruzə-təqdimatla çıxış etdi. Proyektor vasitəsi ilə ekranda nümayiş olunan və nazirin ətraflı şərhi ilə müşayiət edilən məruzə-təqdimatda 2008-ci ildə təhsil sahəsində görülmüş işlər, qazanılmış uğurlar, bu sahədə mövcud olan problemlər və qarşıda duran vəzifələr geniş faktik material, statistik rəqəmlər və fotogörüntülərlə əyani olaraq kollegiya iştirakçılarına çatdırıldı.

Kurrikulumlar və onların xarakterik cəhətləri

Biz dünyanın bütün ölkələrində - Qərbdə də, Şərqdə də əldə olunmuş nailiyyətləri dərindən öyrənməli və onlardan Azərbaycan üçün müsbət xarakter daşıyan cəhətləri ölkəmizin təhsil sistemində tətbiq etməliyik.

Heydər ƏLİYEV

ölkəmizdə həyata keçirilən kurrikulum islahatı mərhələli proses olmaqla, innovasiyalara əsaslanan və əvvəlcədən müəyyən edilmiş real nəticələrə istiqamətlənmiş geniş fəaliyyət sahəsinə çevrilmişdir. Burada atılan hər bir addım düşünülmüş qərara əsaslanır. Həmin qərarların istinad nöqtəsi isə müntəzəm aparılan müzakirə və diskussiyalar, onların obyektiv sonluğunu maddiləşdirən nəticələrdir. 

20 Yanvar ümumxalq hüzn günüdür

 Faciənin dəhşətləri faktlar və rəqəmlərdə

Qanlı Yanvar gecəsi Bakı şəhərində 131 nəfər həlak olmuş, ümumi nəticəyə görə isə bu hadisələrdə yaralananların sayı 800, həbs olunanların və itkin düşənlərin sayı isə 1000 nəfəri keçmişdir.

Eyni zamanda 200 ev və mənzil talan edilərək yandırıldı, 80 avtomaşın, külli miqdarda şəxsi və dövlət əmlakı məhv edildi. Faciə SSRİ Daxili İşlər və Müdafiə nazirliklərinin və Dövlət Təhlükəsizlik Komitəsinin təşkilatçılığı ilə müdafiə naziri Yazovun komandanlığı altında törədildi.

Rəngarəng və düşündürən dərslik

Son illər  ölkəmizdə aparılan təhsil islahatı təhsilin məzmununun yeniləşdirilməsi, onun dünyanın ən qabaqcıl ölkələrinin təhsil sistemlərinə inteqrasiyası, milli təhsilimizin inkişafı baxımından çox  təqdirəlayiqdir.

 Yeni fənn kurrikulumlarının meydana gəlməsi, təlim strategiyalarının təkmilləşdirilməsi, müasir qiymətləndirmə mexanizmlərinin yaradılması təhsilin keyfiyyətinin artmasında böyük rol oynayır.

Bir ibtidai sinif müəllimi kimi təhsil sahəsində gedən bu dəyişiklikləri, yenilikləri diqqətlə izləyir, işimdə tətbiq edir və müsbət nəticələr alıram.

 Sevindirici haldır ki, yeni kurrikulumların tələblərinə uyğun olaraq resursların hazırlanması prosesinə də başlanılmışdır.

Təhsil islahatının mühüm istiqamətlərindən biri də yeni dərslik vəsaitlərinin hazırlanmasıdır. 

"İnnovativ müəllimlər"  müsabiqəsi keçirilir

Azərbaycan Respublikası Təhsil Nazirliyinin dəstəyilə "Microsoft Azərbaycan" şirkəti Azərbaycanda "İnnovativ müəllimlər" müsabiqəsini elan edib. Müsabiqə Təhsil Nazirliyinin həmin korporasiya ilə təhsil sahəsində uzunmüddətli əməkdaşlığının tərkib hissəsidir və "2008-2012-ci illərdə Azərbaycan Respublikasında təhsil sisteminin informasiyalaşdırılması üzrə Dövlət Proqramı"na uyğun olaraq keçirilir.

Müsabiqədə məqsəd orta məktəblərdə ən yaxşı innovasiya üsulları tətbiq edən müəllimləri seçməkdir. Müsabiqə "Məzmunda innovasiyalar" və "Tərəfdaşlıqda innovasiyalar" olmaqla iki nominasiya üzrə təşkil olunub.

"Məzmunda innovasiyalar" nominasiyası innovasiya yanaşmaları və informasiya texnologiyalarının yardımı ilə fənn proqramını daha səmərəli şəkildə tədris etməyə imkan verən ən yaxşı təhsil layihələrinin müəyyən edilməsinə istiqamətlənmişdir.

Tələbələr imtahanların şəffaf keçməsindən razıdırlar

Qış imtahan sessiyasının gedişini müşahidə etmək məqsədilə yanvarın 12-də Bakı Dövlət Universitetinə yollandıq. öncə zala toplaşan fakültələrin nümayəndələri - koordinatorlar, müəllimlər, nəzarətçilər və müşahidəçilər qarşısında keçirilən imtahanların nəticələri barədə məlumat verən BDU-nun rektoru, akademik Abel Məhərrəmov qeyd etdi ki, semestr ərzində çoxlu sayda tələbələr imtahan verib, təbii ki, qeyri-kafi qiymət alanlar da olub.

Yoxlamalar və təhlillər aparıldıqda məlum olub ki, 1-ci və 2-ci yoxlama arasında bəzi fakültələrdə müəyyən fərqlər yaranıb. Auditoriyalarda məsuliyyətin tam olaraq koordinator və bu işə təhkim olunmuş digər nəzarətçilərin çiyninə düşdüyünü bildirən Abel Məhərrəmov təsdiq olunmuş neqativ faktların əksəriyyətinin yerində həll olunduğunu vurğuladı. BDU-nun 1-ci kurs tələbələri Boloniya prosesinin tələblərinə uyğun olaraq imtahan verirlər. 

British Council-in Azərbaycanda yeni layihəsi - 11

Müəllimlərin, şagirdlərin və ingilis dilini öyrənənlərin nəzərinə!

Xarici dilin öyrənilməsi sahəsində tam yeni və orijinal metodologiya!