Azərbaycan Respublikası Prezidentinin 2008-ci il 25 fevral tarixli fərmanı ilə təsdiq edilmişdir

"Ən yaxşı müəllim" müsabiqəsinin keçirilməsi Qaydaları

1. ümumi müddəalar

1.1. Bu Qaydalar "Ən yaxşı ümumtəhsil məktəbi və ən yaxşı müəllim mükafatlarının təsis edilməsi haqqında" Azərbaycan Respublikası Prezidentinin 2007-ci il 4 sentyabr tarixli 2373 nömrəli sərəncamına uyğun olaraq, "Ən yaxşı müəllim" müsabiqəsinin (bundan sonra müsabiqə) keçirilməsi qaydalarını müəyyən edir.

Təhsil Nazirliyində görüş

Fevralın 27-də təhsil naziri Misir Mərdanov Şimali Kipr Cümhuriyyəti Yaxın Doğu Universitetinin qurucu rektoru Suat Günsel, vitse-prezidenti Fəxrəddin Sadıkoğlu və həmin ölkənin Azərbaycandakı səfiri Zəki Qazıoğlu ilə görüşüb.

Misir Mərdanov qonaqları səmimi salamlayaraq onları Azərbaycanda, xüsusilə Təhsil Nazirliyində görməkdən məmnunluq duyduğunu qeyd edib, eləcə də Azərbaycanla Kipr arasında mövcud olan əlaqələrdən söz açıb.

Rəhbəri olduğu ali təhsil müəssisəsi haqqında nazirə məlumat verən Suat Günsel təhsil sahəsində əməkdaşlığın inkişafı, müntəzəm əlaqələrin qurulması və müəllim-tələbə mübadiləsinin aparılmasında maraqlı olduqlarını qeyd edib.

"Təhsildə İKT: müəllimlər və texnologiyalar"

Fevralın 28-də "EXCELSİOR" otelində Azərbaycan Respublikasının Təhsil Nazirliyi, "İntel" şirkəti və "Mədəd" Humanitar Təşkilatı İctimai Birliyi təhsil sistemində informasiya-kommunikasiya texnologiyalarının tətbiqi ilə bağlı seminar keçirdilər. Pedaqoji, idarəetmə və texniki kadrların hazırlanması məqsədilə "Təhsildə İKT: müəllimlər və texnologiyalar" mövzusunda təşkil olunmuş seminarda Təhsil Nazirliyinin müvafiq şöbə və struktur bölmələrinin rəhbərləri, bir sıra ictimai qurumların nümayəndələri, bu sahədə qabaqcıl iş təcrübəsi ilə seçilən məktəblərin direktorları və müəllimlər iştirak edirdilər.

Sınaq imtahanlarının nəticələri bu gün elan olunacaq

Təhsil Nazirliyindən aldığımız məlumata görə, fevralın 24-də mərkəzləşdirilmiş qaydada keçirilmiş ikinci sınaq imtahanının nəticələri bu gün açıqlanacaq.

Nazirliyin Şagird nailiyyətlərinin qiymətləndirilməsi şöbəsinin müdir müavini Təranə Hacıyevanın bildirdiyinə görə, ikinci sınaq imtahanında ümumiyyətlə 51727 onbirinci sinif şagirdinin iştirak etməsi nəzərdə tutulsa da, onlardan 1465-i imtahana gəlməyib.

Bütün cavab kartları artıq oxunub və qiymətləndirmə  aparılıb.  Nəticələr  bu  gün  Təhsil Nazirliyinin rəsmi İnternet saytında (www.edu.gov.az) yerləşdirilməklə bərabər, məktəblərə də çatdırılacaq.

Onbirincilər ikinci sınaq imtahanını verdilər

Fevralın 24-də ölkəmizin 20-dən çox şəhər və rayonunda yerləşən ümumtəhsil məktəblərinin onbirinci sinif şagirdləri arasında mərkəzləşdirilmiş qaydada test üsulu ilə ikinci yoxlama imtahanı keçirildi. Bu məqsədlə Təhsil Nazirliyi tərəfindən Bakıda və bölgələrdə 89 imtahan mərkəzi yaradılmışdı. Onlardan 53-ü paytaxtda, 10-u Sumqayıtda, 5-i Gəncədə, 4-ü Mingəçevirdə, 2-si Əli Bayramlıda, 4-ü Ucar rayonunda, 4-ü İsmayıllıda, 5-i İmişlidə, 2-si Abşeronda fəaliyyət göstərirdi. 

Məktəb rəhbərləri valideynlərlə əlaqəni vacib hesab edirlər

Tədqiqatlar nəticəsində müəyyən edilmişdir ki, müasir dövrdə məktəbin fəaliyyətinin təşkili, idarə olunması, problemlərinin həlli prosesinə valideynlərin daha fəal cəlb olunması təhsilin və tərbiyənin inkişafına müsbət təsir göstərə bilər. Görəsən, məktəblərimizdə uşaqların yaxşı təhsil almalarında, təlim-tərbiyəsində valideynin köməyindən necə istifadə olunur?

Bakıdakı 47 nömrəli orta ümumtəhsil məktəbinin direktoru Aytən Bağırova dedi ki, məktəbdə yaranan problemlərin həllində valideynlər də kömək göstərirlər. Biz valideynlərlə sıx əlaqə saxlayırıq. Hər rübün sonunda valideynləri məktəbə dəvət edir, övladlarının problemləri ilə bağlı söhbətlər aparırıq. Siniflərin hər birində valideyn komitəsi yaradılıb. Bununla  yanaşı, sinif rəhbərləri də həmişə valideynlərlə sıx əlaqədədir.